26 qyrküiek künı Memlekettık qyzmet ısterı agenttıgınıŋ Astana qalasy boiynşa Tärtıptık keŋes töraǧasy T.Qaskinnıŋ jetekşılıgımen jiyn öttı.
Tärtıptık keŋestıŋ kezektı otyrysynda sybailas jemqorlyqqa qarsy zaŋnamanyŋ oryndaluy, «Memlekettık qyzmet turaly» zaŋnyŋ jäne Memlekettik qyzmetşilerdiŋ ar-namys kodeksinıŋ talaptaryn būzu derekterı qarastyryldy.
Atap aitsaq, Salyq departamentınıŋ Saryarqa audany boiynşa salyq basqarmasy, Densaulyq saqtau basqarmasy, sondai-aq, Säulet jäne qala qūrylysy basqarmasynyŋ lauazymdy tūlǧalaryna qatysty tärtıptık ıster qaraldy. Mäselen, Saryarqa audany boiynşa salyq basqarmasy basşysynyŋ orynbasary B.Mülkıbekov jeke jäne zaŋdy tūlǧalardyŋ aryz-ötinişterin qaraudyŋ jäne öz qūzyretine kiretin özge de mäselelerdi şeşudiŋ zaŋda belgilengen tärtibin bırneşe ret būzǧan. Nätijesınde Tärtıptık keŋes «Sybailas jemqorlyqqa qarsy küres turaly» zaŋnyŋ 12-babyna säikes B.Mülkıbekovke «qyzmetıne tolyq säikes emestıgı turaly eskertu» türındegı tärtıptık jauapkerşılıkke tartu turaly ūsynys şyǧaryldy. Sonymen qatar, Astana qalasy Işkı saiasat basqarmasy men Önerkäsıp jäne käsıpkerlık basqarmasyna jürgızılgen josparly tekserıs nätijesı tanystyryldy. Otyrys qorytyndysy boiynşa, lauazymdy tūlǧalardy tiıstı tärtıptık jazaǧa tartu turaly ūsynystar berıldı.
