Elımızde su tasqynynyŋ qaupı älı seiılgen joq. Qazırdıŋ özınde 5 oblys topan su basatyn aumaqta qalyp otyr. Aqpanda jauǧan jauynnan 2 metr qary men mūzy qosa qatqan Soltüstık Qazaqstan, Şyǧys Qazaqstan, Pavlodar oblystarynda qar köbesı älı sögılgen joq. Özenderdıŋ köpşılıgı arnasyna toldy. Demek, qauıp-qaterden aldyn ala saqtanyp, jedel qareketke köşu kerek.
Topan sudyŋ aumaǧynda qanşa öŋır bar?
Ükımettegı bıtpeitın köp jiynnyŋ bırınde Tötenşe jaǧdailar ministrınıŋ orynbasary Bauyrjan Syzdyqov su basatyn aumaqta 5 oblys qaldy degen aqparat keltırdı.
«Su tasqynynyŋ jaǧdaiy tūraqty – kürdelı. Batys aimaqtarda su azdap tömendedı, ortalyq, soltüstık jäne şyǧys bölıkterınde, kerısınşe, özender deŋgeiınıŋ qarqyndy joǧarylauy baiqalady. Su basu aimaǧynda 5 oblys qalyp otyr, äkımdıktermen jergılıktı auqymdaǧy 20 tötenşe jaǧdai jariialandy» dedı ol.
Alaida Aqtöbe, Batys Qazaqstan, Qostanai, Qaraǧandy oblystarynda jaǧdai älı kürdelı. Mysaly, Qaraǧandy oblysynyŋ Şet audanyndaǧy Qairaqty auylynyŋ tūrǧyndary Ükımetten eşqandai kömek bolmaǧanyna şaǧymdanyp, Ükımet basşysyna, audan jäne auyl äkımıne beinejoldau jıberıptı. Üiıne su kırgen, jas balalary syrqattanǧan qairaqtylyqtar bürseŋ qaǧyp dalada jür. Halımızdı eşkım sūramaidy. Ne ısterımızdı bılmeimız. Qonatyn jer joq. Būl Ükımet bızge qaşan kömektesedı?! 2015 jyly su tasyǧan kezde däl osylai aldap tastap ketken. Qūlap jatqan üilerımız bar, ketken malymyz bar, qoramyz bar. Sony bızdıŋ äkımdık tekserıp, qaşan ötep beredı? Aldap ketıp jatyr. Qaǧaz jüzınde ony eşkım kelıp tırkep jatqan joq. Būl – halyqtyŋ janaiqaiy» deidı olar. Memleket basşysynyŋ: «Eşkım nazardan tys qalmaidy, zardap şekken tūrǧyndarǧa tügel kömek körsetıledı» degen sözıne qūlaq aspaǧan şen-şekpendıler de bar. Ükımet basşysy Oljas Bektenovtıŋ: «Tötenşe jaǧdailar ministrlıgı äkımdıktermen jäne basqa da küştık qūrylymdarmen bırlesıp, su basqan eldı mekenderde avariialyq-qūtqaru jäne kezek küttırmes şūǧyl jūmystardy jürgızu üşın küşter men qūraldardyŋ jetkılıktı kölemın qamtamasyz etsın» degenı äl-äzır söz jüzınde qalǧany ma?!
Oljas Bektenov Ükımettegı jiynda tasqynǧa orai el tūrǧyndaryna kömek qolyn sozyp jatqan qūtqaruşylarǧa, ūşqyştarǧa, Işkı ıster, Qorǧanys ministrlıkterı men Ūlttyq ūlan qyzmetkerlerıne, medisina qyzmetkerlerıne jäne qatardaǧy erıktılerge alǧysyn bıldırdı.
«1,5 myŋǧa juyq üi su astynda qaldy. Baspanalar qirap, joldar būzyldy. Bırqatar öŋırde jergılıktı auqymdaǧy tötenşe jaǧdai jariialandy. Körıp otyrǧanymyzdai, öŋırler su tasqynynyŋ naqty qaupın jete baǧalai almady. Bız jūmysty barynşa küşeituge tiıspız. Memleket basşysy keşegı keŋes barysynda tasqyn qaupı azaidy deuge bolmaitynyn atap öttı. Aldaǧy künderı boljam boiynşa aua raiy aitarlyqtai jylynady dep kütılude. Demek, elımızdıŋ soltüstık, ortalyq jäne şyǧys öŋırlerınde su tasqynynyŋ jaŋa belsendı kezeŋı bastalady. Būǧan daiyn boluymyz kerek» dedı ol.
Būǧan Ükımet pen äkımder qanşalyqty daiyn bolatynyn uaqyt körseter.
