Astanada su tasqynyna qarsy qalalyq jūmys toby qūryldy jäne keşendı şaralar jospary ıske qosyldy, dep habarlady astana.gov.kz saity.
Bügıngı taŋda astanalyq gidrotoraptar aǧymdaǧy mausymda tasqyn suyn ötkızuge daiyn. Josparǧa säikes, qala aumaǧynda su basuy mümkın 37 uchaske anyqtaldy. Qazırgı uaqytta atalǧan uchaskelerge mamandar baryp, su tasqynyna qarsy şaralar äzırledı. Sonymen bırge, elorda äkımdıgı keşendı jospardy oryndauǧa baǧyttalǧan bırneşe negızgı şarany belgılep qoidy.
Bırınşı kezektegı şara – Esıl özenınıŋ joǧarǧy aǧysy tekserıldı, nätijesınde qar qorynyŋ şamadan 20-30 paiyzǧa köp ekenı anyqtaldy, qalypty norma 50 mm boluy tiıs. Mamandardyŋ habarlauynşa, Esıl özenınde köktemgı su jüru Astana su qoimasyna kelumen 200-280 mln tekşe metr kölemınde boljanyp otyr. Qazırgı uaqytta Astana gidrotoraby aǧymdaǧy mausymda qar suyn ötkızuge tolyqtai daiyn.
Astana su qoimasynyŋ jobalyq quaty 410 mln tekşe metr bola tūra, bügıngı künı ondaǧy jinalǧan su 285,9 mln tekşe metrdı nemese 69,9 paiyzdy qūraidy. Astana su qoimasynda su aǧynyn qabyldau jäne qauıpsız ötkızu maqsatynda qosymşa syiymdylyqty daiyndau üşın «Kazvodhoz» RMK-ımen bırlesıp küşeitılgen şaralar qabyldanyp jatyr.
Sonymen bırge, «Astana qalasyn Esıl özenınıŋ köktemgı qar suynan qorǧau» nysanynda bögettı küşeitu jūmystary jürgızılıp, keşen qar suyn ötkızuge tolyqtai daiyn.
Maibalyq kölınıŋ aumaǧy da maŋyzdy bölık sanalady. Qazırgı uaqytta köl suynyŋ deŋgeiı byltyrǧy jylmen salystyrǧanda jarty metrge tömen jäne ondaǧy su mölşerı 65 mln tekşe metrdı qūraidy. Bügıngı künı kanaldy tazartu jäne jaǧasyn bekıtu elorda äuejaiynyŋ ūşu-qonu jolaǧyn su basudyŋ aldyn alu maqsatynda böget tūrǧyzu jūmystary jürgızılude.
Sonymen bırge, Esıl özenınıŋ arnasyn keŋeitu jūmystary jasalynyp jatyr, būl şaralar gazmaşapparatura audanynda aiaqtaldy. Būǧan qosa, özendı tereŋdetu jäne arnasyn keŋeitu jūmystary da qolǧa alynǧan.
Qala basşylyǧy Kışı Taldyköl kölınıŋ aumaǧyna da erekşe köŋıl bölıp otyr, ol boiynşa arnaiy şaralar josparlanyp, jauapty memlekettık organdar men qūrylys kompaniialary belgılendı.
13 nauryzdaǧy jaǧdai boiynşa, qys kezınde qala aumaǧynan şyǧarylǧan qar mölşerı 4,9 mln tekşe metrdı qūraǧan, būl byltyrǧy kölemnen 2 ese köp. Qar jinau jūmystary 20 nauryzǧa deiın aiaqtalady dep josparlanyp otyr. Sondai-aq, üstımızdegı jyly su tasqyndaryna qarsy şaralarǧa 1,4 mlrd teŋge qarastyrylǧan.
