Tättımbet Qazanǧapūly atyndaǧy qazaq halyq aspaptarynda oryndauşylardyŋ VIII respublikalyq baiqauynda Roza Baǧlanova atyndaǧy «Qazaqkonsert» memlekettık konserttık bırlestıgınıŋ ärtısı, jas küişı Ardaq Eleusız bas jüldenı ielendı.
Daryndy küişı Qazaq ūlttyq öner universitetınıŋ tülegı. Osy oqu ornynda Edıl Basyǧaraevtyŋ şeberhanasyn bıtırdı. Tökpe küidı şeber oryndaityn önerpaz Qazanǧap mektebın jaqsy meŋgergen. Osyǧan deiın köptegen baiqaularǧa qatysty. Sonyŋ ışınde 2017 jyly Halyqaralyq televiziialyq «Men qazaqpyn» atty halyqaralyq televiziialyq megajobasynda bas jüldenı alyp, «Üzdık küişı» atalymynda top jardy.
Al şertpe küidı universitettegı ūstazy, şertpe küi şeberı Janǧali Jüzbaidan üirendı. Arqanyŋ küişılık mektebınen Tättımbet babadan bastap, Qyzdarbek Törebaiūly, Aqqyz Ahmetqyzy, Maǧauiia Hamzin, Äbıken Hasenov syndy küi alyptarynyŋ küilerı repertuarynda bar. Ardaq Tättımbet baiqauynda mındettelgen 6 küidı jäne erkın taqyrypta 2 küi oryndady. Ekı kezeŋge bölıngen küi tartysynda körnektı küişı-kompozitor, Qazaqstannyŋ eŋbek sıŋırgen qairatkerı Ermūrat Üsenov bastaǧan qazylar alqasy ony jeŋımpaz dep tapty.
Qazır Ardaq Eleusız R.Baǧlanova atyndaǧy «Qazaqkonsert» memlekettık konserttık bırlestıgınıŋ «Astana sazy» folklorlyq ansambldıŋ müşesı.
