Dostyq üiınde Astana qalasy Işkı saiasat basqarmasynyŋ ūiymdastyruymen Qazaqstan halqynyŋ bırlıgı künıne arnalǧan «Halyq bırlıgı – adal memlekettıŋ negızı» taqyrybynda döŋgelek üstel otyrysy öttı. Basqosuǧa qatysqan QHA müşelerı, qalalyq mäslihat deputattary, ǧalymdar, qoǧam qairatkerlerı elımızdıŋ ösıp-örkendeuı jolynda barlyq etnikalyq toptyŋ bırıguınıŋ maŋyzyn atap aitty.
Astana qalasy äkımdıgı Işkı saiasat basqarmasy bastyǧynyŋ orynbasary Läzzat Qūsaiynova Bırlık künı merekesınıŋ jyl saiyn jaŋaşa sipat alatynyna toqtaldy.
«Elımızdegı maŋyzy zor merekelerdıŋ bırı – Qazaqstan halqynyŋ bırlıgı künı qarsaŋynda bas qosyp otyrmyz. Būl mereke öz bastauyn sonau 1996 jyldan alady. Jaqynda Qazaqstan halqy assambleiasynyŋ 33-sessiiasy ötıp, sol jiynda QHA töraǧasy sessiianyŋ kün tärtıbındegı «Bırlık. Jasampazdyq. Örleu» taqyrybynda täuelsız Qazaqstannyŋ strategiialyq baǧytyn körsetetının qadap aitty. Prezident sol jiynda qai kezde de bırlık pen yntymaq elımızdıŋ saiasi baǧdarynyŋ basty qūndylyǧy bolyp qalatynyn mälımdedı» dedı L.Qūsaiynova.
Odan keiın söz tızgının alǧan «Qazaqstandaǧy orys, slavian, kazak ūiymdarynyŋ qauymdastyǧy» ZTB töraǧasy, QHA müşesı Vladimir Bojko el bırlıgınıŋ negızgı qaǧidattarynyŋ bırı – eldıŋ etnikalyq jäne mädeni aluandyǧynyŋ saqtaluy asa maŋyzdy ekenıne toqtaldy.
«Qazaqstan halqy assambleiasy 2025 jyly özınıŋ 30 jyldyǧyn atap ötedı. Keler jyly Ūly Otan soǧysyndaǧy Jeŋıstıŋ 80 jyldyǧyn toilaimyz. QHA-nyŋ 33-sessiiasynda Prezident osy aituly datany laiyqty deŋgeide atap ötuge ıs-şaralar josparyn jasau üşın el Ükımetıne tapsyrma berdı. Sol kezde QHA-nyŋ qoǧamdaǧy orny men qyzmetı, atqaratyn rölı, sonyŋ ışınde halqymyzdyŋ bırlıgın nyǧaitu baǧytyndaǧy jūmystardyŋ nätijesı aşyq aityluy tiıs. Sondai-aq būl baiandamada memlekettılıgımızdı nyǧaitudaǧy, etnosaralyq kelısım men jalpyqoǧamdyq bırlık saiasatyn jüzege asyrudaǧy etnomädeni bırlestıkterdıŋ jaǧymdy rölı bırneşe ret aityldy.
Prezident bergen mūndai baǧa QHA-nyŋ qoǧamdaǧy qyzmetınıŋ airyqşa maŋyzyn körsettı. Menıŋ oiymşa, būl pıkır internet keŋıstıktı kezıp jürgen «assambleia taratylady» degen alypqaşpa äŋgımege nükte qoiyp, QHA-nyŋ institut retınde eşqandai maŋyzy joq degendı jūmsaq tösekte jatyp alyp jūrtqa qaitalaudan jalyqpaityn teoriiaşyldarǧa tura jauap bolǧany anyq» dedı ol.
– Prezident öz jūmysynda azamattardyŋ äl-auqaty men qauıpsızdıgın qamtamasyz etuge, su tasqyny saldaryn eŋseruge jäne qazaqstandyqtardyŋ tynys-tırşılıgınıŋ qajettı jaǧdailaryn qalpyna keltıruge memleket pen qoǧamnyŋ barlyq küşın jūmyldyruǧa basymdyq beredı, – dep atap öttı spiker.
Assambleianyŋ XXXIII sessiiasynda oqylǧan baiandamada su tasqynynan zardap şekkenderge gumanitarlyq kömek körsetu, auyldardy su basudyŋ aldyn alu jäne azamattardy qūtqaruǧa qatysty QHA-nyŋ barlyq filialynyŋ ülken ülesı atalyp öttı.
– Ötken sessiianyŋ kün tärtıbıne şyqqan «Bırlık. Jasampazdyq. Örleu» taqyryby öte özektı, Prezident aitqandai, bızdıŋ strategiialyq baǧytymyzdyŋ mänı, saiasattaǧy, ekonomikadaǧy, mädeniettegı, äleumettegı özgerısterdıŋ kepılı jäne memleket pen qoǧamnyŋ basty missiiasy – jasampazdyqqa, jaŋaşyldyqqa, şyǧarmaşylyq oilauǧa ūmtylu ekenın atap ötken dūrys. Baiandamada 3-qūryltaida jariialanǧan, täuelsızdık pen patriotizm, bırlık pen yntymaqtastyq, ädıldık pen jauapkerşılık, zaŋ men tärtıp, eŋbekqorlyq pen käsıpqoilyq, jasampazdyq jäne jaŋaşyldyq bölımderın qamtityn doktrinany ıske asyru qajettıgı taǧy da erekşe atap körsetılgen.
Assambleia müşelerıne memlekettık organdarmen bırge qoǧamda Otanǧa degen süiıspenşılıktı, patriotizmdı, ädet-ǧūryptarǧa, mädenietke, dästürlerge qūrmettı, şynaiy qūndylyqtardy qalyptastyruǧa jäne özara tüsınıstık pen kelısımdı nyǧaitu mūratyn ılgerıletu mındetı qoiyldy. Memleket basşysy tarihi zardaptar men renışterge nazar audarmai, bolaşaqqa qarauǧa şaqyrdy. Būǧan dälel bolatyn mynadai halyq danalyǧy bar: eger adam ünemı ötkenge qarailai berse, onda ol özınıŋ bolaşaǧyna arqasyn tosady. Şynynda da, jek köru üşın köp aqyl qajet emes. Jekköruşılık jeke kemşılıkterden, qyzǧanyştan jäne jalqaulyqtan tuady. Soŋǧysy özın qalypty türde jüzege asyruǧa mümkındık bermeidı, ärtürlı sebeppen jäne kez kelgen jaǧdaida älsızdık pen aşulanşaqtyqty tudyrady, öz ortasynyŋ nemese qoǧamynyŋ aldynda özın körsetuge kedergı keltıredı, – dep jalǧastyrdy spiker.
Jiynda söz söilegen Amanat partiiasy Astana qalalyq filialy Almaty audandyq bölımşesınıŋ atqaruşy hatşysy Batima Aliiarova halyq bırlıgın nyǧaitu eldıŋ äleumettık-ekonomikalyq damuyna jäne tūraqtylyqty qamtamasyz etetın bırden-bır faktor ekenın atap öttı. Ol sondai-aq Amanat partiiasynyŋ saiasi ūstanymynda beibıtşılık, kelısım jäne bırlık bızdıŋ memlekettıŋ negızı bolady dep aiqyndalǧanyn, partiianyŋ sailaualdy baǧdarlamasynyŋ «Bız halyqpen bırgemız!» dep ataluy da eldegı berekenıŋ bastauy bırlıkte ekenın aiǧaqtaitynyn aitty. Partiianyŋ qalalyq filialy men astanalyq Qazaqstan halqy assambleiasy arasynda öte tyǧyz qarym-qatynas ornaǧanyn, partiianyŋ äleumettık jobalaryna assambleia ūiymdary belsendı qatysyp otyrǧanyn atap öttı.
Döŋgelek üstel jiynynda etnikaaralyq jaǧdailarǧa monitoring jürgızu ortalyǧynyŋ bas menedjerı Jansaia Aqanova, Amanat partiiasy janyndaǧy «Jastar ruhy» jastar qanatynyŋ töraǧasy Arslanbek Maǧzūm, «Bauyrlas» qoǧamdyq bırlestıgınıŋ töraǧasy Täŋırbergen Berdoŋǧarov jiynnyŋ taqyryby boiynşa öz oiyn ortaǧa saldy.
Alina İMAMBAEVA
