Täuelsızdıktıŋ alǧaşqy jyldaryndaǧy auyrtpalyqtar Astana qalasynyŋ Memlekettık mūraǧatyn da ainalyp ötken joq. Äitse de, bolaşaqqa degen senım men öz mamandyǧyn qadırlei bıluşılık ötpelı qiyndyqtardy jeŋe bıldı. Qazaqstannyŋ jas astanasynyŋ tarihi rölın aiqyndauda Aqmola qalasy äkımdıgınıŋ 1995 jylǧy 23 qaraşadaǧy şeşımımen derbes Memlekettık mūraǧattyŋ qūryluy ortaq ıske senımdı serpın berdı. Atalǧan şeşım jaryq körgende, mūraǧattyŋ öz mekenjaiy da bolmaǧandyǧyn bügınde bıreu bılıp, bıreu bılmeidı.
Egemendık jyldarymen qatar qadam basqan Mūraǧat jalpy kölemı 1 myŋ şarşy metrden astam aumaqty alyp jatqan tört qabatty derbes mekenjaida qonys teuıp otyr. Onyŋ alǧaşqy qabatynda oqu zaly, al ekınşısınde arnaiy jabdyqtalǧan tūraqty körme jūmys ısteidı. Olardy jaraqtandyruda osy zamanǧy tehnikalyq mümkındıkterdı engızuge erekşe basymdylyq berılgen. Al mekenjaidyŋ üşınşı jäne törtınşı qabattary – qalanyŋ Saryarqa audanyna qaraityn ūjymdardan tüsken qūjattardy saqtaityn qoimalar. Memlekettık mūraǧattyŋ Almaty, Esıl audandarynyŋ jeke qūram bölımderı qalanyŋ Prigorodnyi kentındegı ekı qabatty bölek meken-jaida otyr. Mūraǧattyŋ ekı ǧimaratyna da kürdelı jöndeu jūmystary jürgızılıp, olarǧa qūny 60 million teŋge bolatyn avtomattandyrylǧan gazdy ört söndırgış pen derbes dabyl qondyrǧylary ornatyldy. Astana qalasynyŋ Memlekettık mūraǧaty menşık türıne qaramastan qala aumaǧynda ornalasqan käsıporyndar men ūiymdardy jinaqtalǧan mūraǧattyq qūjattardyŋ esebın jürgızu, memlekettık saqtauǧa alu, qoima közderın tolyqtyru men olardy qalyŋ köpşılıktıŋ igılıgıne ainaldyru jūmystarymen ainalysady. Būlar mūraǧat qyzmetınıŋ negızgı basym baǧyttarynyŋ bırı bolyp tabylady. Sala jūmysyn sapanyŋ jaŋa deŋgeige köteruge aǧymdaǧy jyly qoldanysta jürgendıgıne 15 jyldyŋ jüzı tolǧandyǧy atap ötılgen Qazaqstan Respublikasynyŋ «Ūlttyq mūraǧat qory jäne mūraǧattar turaly» Zaŋynda öz körınısın tapqan aiqyn tūjyrymdar aitarlyqtai kömektese bıldı. Elımızde alǧaş ret atalyp ötken QR Tūŋǧyş Prezidentı künınıŋ de köşbasşymyz Nūrsūltan Äbışūly Nazarbaevtyŋ bügıngı taŋda alǧa ūstanyp otyrǧan köp qyrly, syndarly saiasaty da tarihi qūndylyqtardy qoǧamnyŋ negızgı qozǧauşy küşı, bolaşaǧymyzdyŋ barlauşysy bolyp tabylatyn jas ūrpaq boiyna tereŋ sıŋıru mūratymen tyǧyz ündestık taba bıluı de, bızder üşın asa süiınıştı. Qala äkımdıgınıŋ, Mūraǧattar jäne qūjattamalar basqarmasynyŋ kündelıktı qoldau-kömegıne süiengen memlekettık mūraǧat el täuelsızdıgımen bırge qadam basa otyryp, Astana qalasynyŋ 15 jyldyǧyna orai «Este qalar jäne aituly künder» jylnamasyn, «Armandy aqiqatqa ūştastyrǧan» atty türlı-tüstı buklettı jūrtşylyqqa ūsyndy. Olarǧa qala tarihyna, onyŋ ötkenı men bügınıne bailanysty maŋyzdy derekter toptastyryldy. Būlardyŋ tarihty zerdeleuşılermen bırge, uaqyttyŋ aişyqty özgerısın bıluge ūmtyluşylarǧa da tigızer paidasy zor bolmaq. Al el täuelsızdıgıne arnalǧan «Astana – kemel ısterdıŋ altyn tūǧyry», «Elı erge sengen, erı elge sengen» atty körmeler mūraǧatqa keluşılerdıŋ erekşe qyzyǧuşylyǧyn tudyryp otyr. Olarda qala men el tarihyna qatysty köptegen qūndy derekter toptastyryldy. Jyl ötken saiyn qalalyq Memlekettık mūraǧattyŋ tolymdau közderı sanalatyn mekemelerdıŋ, käsıporyndar men ūiymdardyŋ da qatary ösıp keledı. Bügınde Memlekettık mūraǧat mekemeler men ūiymdardaǧy 250-dei vedomstvolyq mūraǧatqa, sondai-aq äleuettı senımdı toptar sanatyndaǧy jüzge tarta ūjymǧa şyn mänısındegı baqylau jūmystaryn ornatyp, ekıjaqty bailanys arnalaryn keŋeite tüstı. Memlekettık mūraǧatta halyqaralyq ǧylymi-täjıribelık konferensiialar ötkızu soŋǧy jyldary daǧdyǧa ainaldy. Mūndai basqosularda el aimaqtarynan, TMD respublikalarynan arnaiy keletın sala mamandary men ǧalymdar mūraǧat jūmysyn damytudyŋ özektı mäselelerın talqylaidy, oi-täjıribelerın ortaǧa salady. Mäselen, aǧymdaǧy jyldyŋ mausym aiynda ötken osyndai konferensiiada täuelsızdık jyldarynda qol jetken tabystar, tarihty zerdelei tüsudıŋ keşendı mäselelerı ortaǧa tüstı. Memlekettık mūraǧatta soŋǧy bır-ekı jyldyŋ bederınde «Täulsızdık – Mūraǧat qoinauynda» atty baiqau ötkızu de qolǧa alyndy. Täjıribe körsetkenındei, onyŋ taǧylymdyq ta tanymdyq mänı aiqyn baiqalady. Türlı sala mamandary el tarihyna qatysty qūjattardy ızdep-tabumen bırge, täuelsızdıkke qatysty öz paiymdaulary men topşylaularyn da asa bır qūlşynyspen köp nazaryna ūsyndy. Osy arqyly bız jūrtşylyqqa beimälım bolyp kelgen jekelegen tarihi qūndylyqtardy ızdep-tabuǧa qol jetkızdık. Kärı qūlaq tarih üşın qamşynyŋ sabyndai ǧana qysqa merzımde, iaǧni täuelsızdıktıŋ 22 jylynda elımız nebır biık belesterdı baǧyndyryp, asqaraly asulardy aldy. Bauyry bütın, bırlıgımen eldıgın eŋselendırıp, erlıgın eseledı. Bügınde jerdıŋ kiesı, eldıŋ iesı kım ekendıgın aidai älem bıledı. Bılgendıkten de bolar, ony Batys pen Şyǧystyŋ arasyndaǧy altyn köpır sanap otyr. Prezident N.Ä.Nazarbaev özınıŋ «Tarih tolqynynda» atty kıtabynda: «Bärın de tarihtyŋ syi-sybaǧasy deuge bolar, alaida jan-jüregıŋnıŋ aŋsary bolǧan azattyqty eşkım de syiǧa tarta almaidy. Azattyq degenımız, būl älemdık tarih tolqynynda özınıŋ subektılık qūqyǧyn sezınetın jäne oǧan jauap bere alatyn halyq bolmysynyŋ jalǧyz ǧana ülgısı» dep aiqyn aşyp körsetken edı. Osynda aitylǧanyndai, saiyn dala tösınde şaŋyraq köterıp, uyǧyn şanyşqan, ūlttyq memlekettılıktıŋ bastauyna bailanǧan qazaq ordasynyŋ ekı jarym ǧasyrlyq tarihi eldık müdde üşın bügılgen sausaqtai bırıgıp, azattyq üşın aianbai aiqasqan jaubasar erlıktıŋ, dūşpan qarasyn bastan asyrmaǧan azamattyq erlıktıŋ önegelı baiany ıspettı. Memlekettık mūraǧat Astana qalasynda ötkızıletın türlı deŋgeidegı būqaralyq şaralardan da äste tys qalyp körgen emes. Soŋǧy jyldary ūjymda memlekettık tıldıŋ qoldanylu aiasyn keŋeituge, ıs qaǧazdaryn memlekettık tılde jürgızuge erekşe basymdyq berılude. «Qūjatsyz – mūraǧat, mūraǧatsyz – tarih, al tarihsyz memleket, ūlt joq» degen qaǧidaǧa iek artqan Astana mūraǧatşylary täuelsızdık künın osyndai qol jetken aituly tabystarmen qarsy alumen bırge, qala tarihyn jazuda jaŋa şekterden körıne beretın bolady. Būǧan atalmyş salada mol täjıribe jinaqtaǧan mamandardyŋ qarym-qabıletterı tolyǧynan jetedı.
B.BAIMAǦANBETOVA,
Astana qalasy Memlekettık
mūraǧatynyŋ direktory