TÄUELSIZDIKKE TARTU
5 qazanda «Aqyldyŋ kıltı. Ömırdastan» teleepopeiasynyŋ ekınşı mausymy körermen nazaryna jol tartady. El Täuelsızdıgınıŋ 25 jyldyǧyna arnalǧan jiyrma serialdy teletuyndynyŋ aldyn ala körsetılımı Astanada öttı.
– Jobanyŋ tūsaukeserın «Täuelsızdıkke tartu» dep beker ataǧanymyz joq. Telehikaianyŋ ön boiynda ekı ǧasyrda qos äulettıŋ basynan ötken türlı tarihi oqiǧalary, sol kezdegı saiasi jüienıŋ äserı körınıs tabady. Ata, äke, bala degen ūǧymdardyŋ qarym-qatynasy, ūrpaqtar sabaqtastyǧy keŋınen qozǧalady. Köpşılık körermennıŋ yqylasy bolar, otandyq telehikaialardyŋ ışınde «Aqyldyŋ kıltı. Ömırdastan» byltyr reitingı eŋ joǧary jobalardyŋ bırı boldy. Sondyqtan oqiǧanyŋ jalǧasyn tüsırude eş kümän tumady. Jobanyŋ rejisserı Mūrat Bidosov qazaq rejisserlerı qoldana qoimaǧan erekşe täsıl – parallelizmdı siujetıne arqau ettı. Täuelsızdıkke tartuymyz būl ǧana emes. Biyl Şämşı Qaldaiaqov turaly 4 serialdy körkem filmnıŋ tūsauyn kesemız. Al kelesı jyly Mūqaǧali Maqataev pen Qajymūqan Mūŋaitpasov turaly televiziialyq jobalardy ūsynamyz, – deidı «Habar» Agenttıgı» AQ Basqarma Töraǧasynyŋ orynbasary Rinat Kertaev.
Teleepopeia Abaidyŋ «Qara sözderı» filosofiiasy negızınde tüsırılgen, degenmen ūly oişyldyŋ körkem tuyndylarynyŋ tıkelei jelısıne qūrylmaǧan.
Ekı parallel siujettık jelıde tüsırılgen «Aqyldyŋ kıltı. Ömırdastan» telehikaiasyndaǧy oqiǧa qazaqtyŋ soŋǧy hany Kenesary men eldegı köterılıster töŋıregınde örbidı. Al ekınşı taqyryp – 1975 jyldan bastalyp, Qazaqstan Täuelsızdık alǧan jyldarmen aiaqtalady. Dästür boiynşa filmnıŋ soŋǧy nüktesı Abaidyŋ «Qara sözderımen» tüiındelıp otyrady.
Basty rölderde Bauyrjan Qaptaǧai, Darhan Süleimenov, Erbol İdrisov, Äliia Daniiarova, Gülnar Jaqypova, Vitalii Kuprianov sekıldı belgılı teatr jäne kino akterlerı oinaidy. Teleepopeianyŋ ekınşı mausymy 5 qazannan bastap düisenbı-jūma aralyǧynda saǧat 19:40-ta «Habar» arnasynan körsetıledı.
Mädina JAQYP