Düniejüzılık tazalyq künıne orai, Qazaqstannyŋ ekologiialyq ūiymdary qauymdastyǧy men «Let’s do it, Qazaq eli» qozǧalysynyŋ bastamasymen, Astana qalasy äkımdıgı men «ÖKM operatory» JŞS jäne Halyqaralyq jasyl tehnologiia jäne investisiialyq jobalar ortalyǧynyŋ qoldauymen elordanyŋ barlyq audanynda «World Clean Up Day» atty senbılık öttı.
Syrbai Mäulenov atyndaǧy №37 mektep gimnaziiasynyŋ stadionynda ötken şaranyŋ aşylu saltanatyna jergılıktı bilık ökılderı jäne Qazaqstannyŋ ekologiialyq ūiymdary qauymdastyǧynyŋ töraiymy Aigül Soloveva men Parlament Mäjılısınıŋ deputaty Iýrii Timoşenko, Estoniianyŋ Qazaqstandaǧy elşısı Heiti Miaemees, Qoǧamdyq maŋyzy bar bastamalardy damytu qorynyŋ töraǧasy Erlan Buzurbaev, mūǧalımder men oquşylar, ata-analar qatysty.
World Clean Up Day – azamattyq joba. Onyŋ maqsaty – qoǧam men bilıktı, biznes jäne BAQ ökılderın tabiǧatty qoqystan tazartyp, tazalyq saqtau üşın bır komandaǧa bırıktıru. 2008 jyly Estoniiada bastau alǧan mūndai şara elımızdıŋ barlyq öŋırı men älemnıŋ 150-ge juyq elınde ötıp, şamamen 380 mln adam jer şaryn qoqystan tazartuǧa atsalysty. Jalpy, elordadaǧy senbılık şarasy aiasynda mektep oquşylary men türlı ūiymdar ökılderı jäne erıktıler «Nūrly jol» temırjol vokzaly men «Allanyŋ gülı» meşıtınıŋ maŋyna jäne Sarybūlaq özenınıŋ jaǧalauyna tazalyq jūmystaryn jürgızdı.
– Biyl qaldyqty sūryptap tastau jobasyn engızıp jatyrmyz. Soǧan orai tamyz aiynda Bılım basqarmasymen balabaqşalar men mektepter alaŋynda sūryptap tastau jobasyn engızu turaly memorandumǧa qol qoidyq. Endı 90 balabaqşa men 76 mekteptıŋ ärqaisysymen jeke-jeke kelısım jasasatyn bolamyz, – dedı «Astana Clean city MC» kompaniiasynyŋ bas direktory Duslan Ahmetov tılşılerge bergen sūhbatynda.
