Jastar teatrynyŋ törınde Halyqaralyq teatr künıne arnalǧan saltanatty şara öttı. Astana äkımdıgıne qarasty teatrlar ūjymdarynyŋ basyn qosqan merekelık konsert aldynda sala üzdıkterıne qala äkımınıŋ alǧys hatyn şahar basşysynyŋ orynbasary Ermek Amanşaev tapsyrdy.
– Teatr – erekşe qūbylys. Özımnıŋ «Üzılgen besık jyry» atty alǧaşqy pesam 28 jasymda M.Äuezov atyndaǧy Memlekettık akademiialyq qazaq drama teatrynda qoiyldy. Sol kezde teatrdyŋ körkemdık jetekşısı Äzırbaijan Mämbetov bolatyn. Sahna saŋlaǧynyŋ közıne tüsıp, Mäskeudegı teatr festivalıne qatysqanym da bar. Sodan berı arada qanşama jyl öttı… Teatr odan säl ǧana alystap ketseŋ saǧyndyratyn qasietke ie. Pesa jazbai, spektaklderge barmai ketseŋ, janyŋa bırdeŋe jetıspei tūrady.
Qazaq teatrynda ūrpaqtar sabaqtastyǧy üzılgen joq. Maǧan būl öner türı sonysymen de qymbat. Öz közımızben Asqar Toqpanov pen Äzırbaijan Mämbetovtıŋ mizanssenany qalai qoiatynyn, jalpy şyǧarmaşylyq ädısterdı qalai qoldanatynyn kördık. Sol ūly dästürdı bügınderı Nūrqanat Jaqypbai men Talǧat Temenov jalǧastyryp kele jatyr. Repertuary jaǧynan, körkemdık deŋgeiı, akterlık şeberlık jönınen elordanyŋ teatrlary ozyq öner oşaqtarynan kem emes, – dedı Ermek Amanşaev.
Qala basşysynyŋ orynbasary aitqandai, Astana teatrlary qazır älemdegı maŋdaialdy teatrlarmen öner jarystyratyn deŋgeige jettı. Osydan ekı jyldai būryn körşı Reseidegı «Zolotoi vitiaz» halyqaralyq teatr forumyna «Tyraulap ūşqan tyrnalar» lirikalyq dramasymen qatysqan Q.Quanyşbaev atyndaǧy Memlekettık akademiialyq qazaq muzykalyq drama teatry aidy aspanǧa şyǧaryp, bas jüldenı ielendı. Al basty rölderdı somdaǧan ärtıster diplomant atandy. Taiauda ǧana sol Reseide ötken «CHELOBEK TEATRA» V halyqaralyq teatr festivalıne barǧan Qallekilıkterdıŋ önerı joǧary baǧalandy.
M.Gorkii atyndaǧy Memlekettık akademiialyq orys drama teatryna jaqynda ǧana Resei prezidentı Vladimir Putinnıŋ alǧys haty tapsyryldy. Biyl qūrylǧanyna 10 jyl tolatyn Jastar teatrynyŋ da tabystary az emes. Quyrşaqtar teatry men «Naz» memlekettık bi teatrynyŋ da körermenderı qalyptasty. Mıne, osy öner oşaqtarynyŋ bırqatar ärtısterı Astana äkımınıŋ alǧys hatyna ie boldy.
Mesenat Bekzat Altynbekov bırneşe jyldan berı Qalleki teatrynyŋ ärtısı, Qazaqstannyŋ eŋbek sıŋırgen qairatkerı Keŋesbai Nūrlanov atyndaǧy syiaqyny tapsyryp keledı. Būl joly syiaqy talantty aktrisa Aqmaral Tanabaeva men Dastan Älımovke tabystaldy.
Biyl Astanada älemdık deŋgeidegı aituly şara – «EKSPO-2017» halyqaralyq mamandandyrylǧan körmesı ötetını belgılı. Merekelık konsert osy maŋyzdy oqiǧanyŋ ainalasynda örbıdı. Jastar teatrynyŋ ärtısı Ädıl Ahmetov turisterge qalany aralatqan gidtıŋ keipıne enıp, är teatrdyŋ qoiylymdaryn tamaşalatqandai boldy.
Osy joly Halyqaralyq teatr künıne arnalǧan saltanatty şarany qyzyqty etıp ūiymdastyru Jastar teatryna jükteldı. Atalmyş teatr direktory Ernar Jūmataev kezektı M.Gorkii atyndaǧy Memlekettık akademiialyq orys drama teatry basşysy Erkın Qasenovke tapsyrdy. Şara soŋynda barşa jinalǧan qauym dünieden ozyp ketken sahna saŋlaqtarynyŋ ruhyna taǧzym ettı.
Keşe «Qazaqstan» ortalyq konsert zalynda «Sahnager-2017» ūlttyq teatr syilyǧynyŋ laureattary marapattaldy.
Atalmyş syilyqty «Samūryq-Qazyna» ūlttyq äl-auqat qory» AQ qoldauymen Qazaqstan teatrlary qauymdastyǧy biyl tūŋǧyş märte taǧaiyndap otyr. Teatr dästürın saqtau men nyǧaituǧa baǧyttalǧan syilyq saladaǧy şyǧarmaşylyq jetıstıkter üşın berıledı.
Ūiymdastyruşylardyŋ aituynşa, syilyq qazaqstandyq patriotizm men ūlttyq mädenietke süiıspenşılıktı arttyruǧa, käsıbi şeberlıktı şyŋdauǧa yqpal etuı tiıs.
Amanǧali QALJANOV, «Astana aqşamy»
