Qalibek Quanyşbaev atyndaǧy memlekettık akademiialyq qazaq muzykalyq drama teatrynyŋ 32 jyldyǧyna orai teatr negızın qalauşy akter, Qazaqstannyŋ eŋbek sıŋırgen ärtısı, eŋbek ardagerı Şämıl Jünısov eske alu maqsatynda sahna şeberınıŋ on jyl boiy tūrǧan J.Jirentaev köşesındegı üige eskertkış-taqta ornatyldy.
Şyǧarmaşylyq ǧūmyryn ūlttyq teatr sahnasynda ötkergen öner maitalmany 200-ge tarta rölderde oinady. Şämıl Jünısov düniege äkelgen rölder – bırın-bırı qaitalamaityn, bır-bırıne äste ūqsamaityn keiıpkerler beinesınıŋ legı.
Jiyndy qoǧam jäne memleket qairatkerı, Qazaqstannyŋ eŋbek sıŋırgen qairatkerı Svetlana Jalmaǧambetova aşyp, Şämıl Syzdyqūlynyŋ mūrasy jaiynda söz söiledı.
Jiyn barysynda elordamyzdaǧy Qalibek Quanyşbaev atyndaǧy memlekettık akademiialyq qazaq muzykalyq drama teatrynyŋ negızın qalauşylary Rymkeş Omarhanova, Bolat Ybyraev, Mūrat Maqsūtov söz söilep, ärıptesterı Şämıl Jünısovtı eske aldy.
Saltanatty jiynda Q.Quanyşbaev atyndaǧy memlekettık akademiialyq qaza muzykalyq drama teatrynyŋ direktory Aibolat Janǧaliūly osy şarany ūiymdastyruǧa qoldau bıldırgen sahna saŋlaǧynyŋ jary Ǧaliia Davydqyzyna, teatr qyzmetkerlerıne, Astana qalasy Mädenit basqarmasyna, QR Mädeniet jäne aqparat ministrlıgıne rizaşylyǧyn bıldıre kelıp, «Bügın erekşe tarihi kün. Ötkendı saralap, bolaşaqqa baǧdar jasaityn, bır-bırımızdı baǧalaityn kün dep bılemın. Şämıl Jünısov aǧamyzǧa arnap eskertkış-taqta ornatyldy. Osy şaranyŋ basty qoldauşysy Ǧaliia Davydqyzyna alǧysymdy bıldıremın» dedı.
