«Astana Opera» teatry «Dostar kluby» dep atalatyn arnaiy jobany ıske qosty. Jobanyŋ tanystyrylymyna Mädeniet jäne sport ministrı Däuren Abaev, Nūr-Sūltan qalasynyŋ äkımı Altai Kölgınov qatysty
Atalmyş klubqa teatr önerın süietın kez kelgen adam, kommersiialyq jäne kommersiialyq emes ūiymdardyŋ, şeteldık kompaniialar men käsıporyndardyŋ ökılderı müşe bola alady. Atalmyş joba «Astana Operanyŋ» qyzmetıne, elımız ben elordamyzdyŋ mädeni igılıgın saqtauǧa jäne arttyruǧa üles qosu maqsatynda qolǧa alyndy.
– «Dostar kluby» kez kelgen älemdık teatrda bar. Sol sebepten bız sättı halyqaralyq täjıribeden ülgı alyp, qazaqstandyq teatr salasyn jaŋaşa damytuǧa ūmtyludamyz. Älbette, köpşılık būl bastamamyzdy qoldaidy degen ümıttemız, – deidı «Astana Opera» teatrynyŋ direktory, Qazaqstannyŋ eŋbek sıŋırgen qairatkerı Ǧalym Ahmediarov.
Klub müşelerı bırqatar jeŋıldıkterge ie bolady. Olar üşın arnaiy şaralar ötkızılıp, «niettestık baǧdarlamalary» qūrylady. Klub müşelerı «Astana Operanyŋ» ömırıne belsendı aralasyp, sahna syrtynda ötetın ekskursiialarǧa, ärtıstermen bırge şyǧarmaşylyq keşterge qatysady jäne teatrdyŋ jobalary men baǧdarlamalaryn ıske asyruǧa atsalysa alady. Teatrdyŋ «Dostar klubyna» müşelık arnaiy plastikalyq kartamen rastalady. Būl qūjat teatr mausymy boiy qoldanuǧa jaramdy. Teatrdyŋ tūraqty körermenderı «Dostar» dep atalyp, olarǧa arnalǧan klub kartalarynyŋ jalpy sany – 70.
Ekınşı sanat «Qūrmettı dos» dep atalady. Oǧan 50 karta qarastyrylǧan. Būdan bölek, ūiymdar men kommersiialyq kompaniialar engen «serıktes» jäne «demeuşı» dep atalatyn taǧy ekı sanat bar. Olar üşın klub kartalarynyŋ sany – 40. Barlyq sanat üşın müşelık jarna engızıldı.
Mädeniet jäne sport ministrı Däuren Abaev, Nūr-Sūltan qalasynyŋ äkımı Altai Kölgınov teatrdyŋ būl bastamasyn qoldady.
– Būl – öte qajet joba. «Dostar kluby» teatrdyŋ köp qyrly qyzmetın egjei-tegjeilı zerttep, aldaǧy damuyna öz ūsynystaryn bıldıre alatyn jaŋa körermenderdı tartatynyna senımdımın. Klub qatysuşylaryn köptegen qyzyqty kezdesuler, jaŋalyqtar men bastamalar kütıp tūr dep oilaimyn. «Astana Opera» teatry talǧampaz körermenge airyqşa şyǧarmaşylyq äser syilaidy. Jaŋa joba jemıstı ärı ūzaǧynan bolsyn! Teatr men onyŋ truppasy örkendep, damyp, körermenderdı ǧajap qoiylymdarymen quanta bersın dep tıleimın, – dedı Däuren Abaev.
Nūr-Sūltan qalasynyŋ äkımı Altai Kölgınov öz sözınde mūndai täjıribe älemde bar ekenın jäne būl teatr önerın qoldauǧa septıgın tigızetının atap öttı.
