Astanada Nätijelı jūmyspen qamtu jäne jappai käsıpkerlıktı damytudyŋ 2017-2021 jyldarǧa arnalǧan baǧdarlamasy aiasynda biyl 500 adamǧa arnalǧan qaita daiarlau kurstaryn ūiymdastyru josparlanǧan. Osyǧan orai qala äkımınıŋ orynbasary Andrei Lukinnıŋ töraǧalyǧymen jūmyspen qamtu boiynşa vedomstvoaralyq komissiianyŋ otyrysy öttı.
Elordanyŋ eŋbek naryǧynda sūranysqa ie mamandyqtarǧa oquǧa jıberu mäselesın qaraǧan komissiia bılım beru ūiymdarynyŋ ötınışterı men ūsynǧan jobalarymen tanysty. Qorytyndysynda aǧymdaǧy jyly tegın oqytu kurstarynan ötetın mamandyqtardy anyqtady.
Sonymen, bas qalada mektep aldy daiarlau ūiymdarynyŋ tärbieşısı, naubaişy, aspaz, tıgınşı, şaştaraz-ūsta, elektrgazdänekerleuşı, elektr qūrylǧylaryna qyzmet körsetu jäne jöndeu boiynşa elektromonter, sauda menedjerı, qadaǧalauşy-kassir, daiaşy jetıspeitını belgılı boldy.
Sondyqtan osy jyly Astana qalasynyŋ Halyqty jūmyspen qamtu ortalyǧy qysqa merzımdı qaita daiarlau kurstaryn ūiymdastyrady.
Jiynda qysqa merzımdık oqytu kurstaryn ötkızuge 14 bılım beru ūiymy men ortalyqtary ötınış bergenı anyqtaldy. Nätijesınde komissiia olardyŋ 8-ın ırıktep aldy. Endı Astana qalasynyŋ menedjement jäne biznes kolledjı, Euraziia gumanitarlyq institutynyŋ kolledjı, Astana qalasy äkımdıgınıŋ köpbeiındı kolledjı, Basqaru kolledjı, Isker biznes akademiiasy, Şaştaraz mektebı, Aqmolalyq oqytu kurstyq kombinaty, Buhgalterler üiı ortalyǧy bazalarynda jūmyssyzdar qysqa merzımdı qaita daiarlau kurstarynan ötetın bolady.
