Tekseruşı toptar jūmysy küşeitıldı
Bas qalada karantin şaralaryn saqtaudy qadaǧalaityn mobildı toptardyŋ jūmysy küşeitılude. Būl turaly jaqynda Nūr-Sūltan qalasy äkımınıŋ orynbasary Baqtiiar Mäkennıŋ töraǧalyǧymen ötken koronavirus infeksiiasymen küres jönındegı jedel ştab otyrysynda aityldy.
Kün tärtıbınde qaladaǧy epidemiologiialyq jaǧdai jäne mobildı toptardyŋ jūmysyn küşeituden basqa jylytu mausymy kezeŋınde ört qauıpsızdıgı mäselelerı talqylandy. Jalpy, elorda koronavirus infeksiiasy boiynşa sary, qauıptı aimaqqa kıredı. Sondyqtan būl ahual erekşe nazar audarudy talap etedı. Onyŋ üstıne jürgızılgen tekserıs nätijesınde ŞOB subektılerı tarapynan karantin şaralary men sanitarlyq erejeler bırneşe ret saqtalmaǧandyǧy belgılı bolǧan.
«Osyǧan bailanysty, qūqyq qoldanu praktikasy jäne eskertudı azaitu maqsatynda karantin şaralaryn ünemı būzatyn käsıpkerlık subektılerınıŋ qyzmetın uaqytşa toqtata tūru mäselesı qaralatyn bolady» dep atap öttı Baqtiiar Mäken. Onyŋ aituynşa, tyiymǧa qaramastan, keibır oiyn-sauyq mekemelerı qyzmetın jalǧastyruda. Al mobildı toptar ökılderı obektıge kırıp, būzuşylyqtardy tırkei almaidy, öitkenı küzet kıruge kedergı keltıredı nemese obekt öz qyzmetın jabyq esık rejimınde jüzege asyrady.
Äkımdık ökılderı derttıŋ taraluyn tejeu üşın būrynǧydai şetelden jäne basqa oblystardan keluşılerdı PTR-testıleuden ötkızu qajet dep sanaidy. Sonymen qatar äleumettık nysandardy, käsıpkerlık subektılerın jäne t.b. dezinfeksiialaudy ünemı jürgızu maŋyzdy. Halyq qarapaiym erejelerdı elemese, öz ömırıne ǧana emes, otandastaryna da qauıp töndıretının este ūstap, ünemı maska taǧuy kerek.