Aqmola oblysynyŋ üş audanyna basşylyq jasaǧan, Astana qalasynyŋ ardagerler qoǧamyn basqarǧan aiauly aǧamyz tırı bolsa mausymda 90 jasqa tolar edı…
Ädılhan Kenjebaiūly Şabatov Arqada aşarşylyqtyŋ reŋı basylmaǧan şaqta, 1933 jyly 1 mausymda Qaraǧandy oblysy Jezdı öŋırınde düniege kelgen. Atasy Mämbetbai Şabatov 1916 jyly ūlt-azattyq köterılıste baǧanaly elınıŋ közı aşyq, saiasatty ajyrata bıletın, Ombyda bılım alǧan, därıger Janabai Niiazbekovtıŋ basqaruymen patşa äskerıne qarsy şyǧyp, Qarajarda erlıkpen qaza bolady. Äkesı Kenjebai Mämbetbaiūly 1919 jyly Orynborda rabfakty bıtırıp, Qarsaqbaida qyzmet jasap, Ūly Otan soǧysy qyzǧan şaqta soǧysqa alynyp, 1942 jyly Voronej oblysy Chijovka selosynda qaza bolady. Anasy Halima Hasenova – Atbasar öŋırınıŋ tumasy. Jasynan zerek ösken boijetken KomVUZ-dy bıtırıp, sol kezdegı saiasi sauatty azamat Kenjebai Mämbetbaiūlymen otau qūrady. Düniege Ädılhan, Asyl atty säbiler keledı. Kenjebai maidanǧa attanǧannan keiın, 9 jasar Ädılhan men qyzy Asylmen Aqmola öŋırıne kelıp, auyldyq keŋeste töraǧa bolyp qyzmet jasaidy.
Buyny qatpaǧan Ädılhan jastaiynan öjet, namysqoi, alǧyr bolyp eŋbekke aralasady. Qorǧaljyn audanynda orta mekteptı üzdık bıtırıp, Esıl audanyna qarasty Jaqsy stansasynda ortalau mektepte orys tılınen sabaq beredı, keiın Sverdlovskıde pedagogikalyq institutty bıtıredı. Ūiymdastyru qabıletı joǧary bolǧandyqtan, Esıl audany komsomol komitetınıŋ ekınşı hatşysy, Qima audany, Aqmola oblysy komsomol komitetınıŋ bırınşı hatşysy bolyp ısteidı. Eŋbekke, qoǧamdyq jūmysqa qūştarlyǧymen tanylyp, ortalyq partiia mektebınıŋ 3 jyldyq kündızgı bölımın üzdık bıtırgennen keiın, Atbasar audany atqaru komitetınıŋ töraǧasy, Atbasar audany, Qorǧaljyn audany partiia komitetınıŋ bırınşı hatşysy bolyp 11 jyl qyzmet atqarady. Qai qyzmette jürse de şaruaşylyqty ūrşyqşa iıretın. 1976 jyl, Ädılhan aǧa Qorǧaljyn audanynyŋ bırınşı basşysy bolyp tūrǧan kezı, qys qatty bolyp, dala maly jylqy jüdei bastaidy. Jedel sol kezdegı körşıles Qaraǧandy oblysy Jezdı audanynyŋ bırınşı hatşysy Mäken Töregeldinmen kelısıp, jylqyny körşıles «Sarysu» sovhozynyŋ jerıne özı bastap aparyp, qystap şyǧady da, bır tūiaq şyǧyn şyǧarmai elge oralady, osyndai jedel şeşım qazırgı basşylarǧa ülgı. Ädılhan Kenjebaiūly qyzmet barysynda mūqtajdarǧa kömek berıp, ädıl boldy. Keŋes zamany bolsa da öz ūltynyŋ patrioty edı. 2014 jyly 8 nauryz künı bır otyrysta Qorǧaljyn audanynda, Ädılhan aǧa hatşy bolǧan jyldary, partkom hatşysy bolǧan Marat Syzdyqov bylai eske alady:
«Bır jyly men qiyn jaǧdaiǧa tap boldym, audannyŋ ekınşı hatşysy özı orys bolǧan soŋ, köpşılıktıŋ aldynda qazaqtardy qorlap, şovinistık qyr körsettı. Men oǧan qarsy söilep, tıptı boqtap jıberdım, jaǧdai şielenısıp, menı partbiuroǧa saldy. Biuroda 9 adam, sodan tek Ädılhan aǧa öz basyna qater tönse de, menı aqtap aldy. Ondai qamqor adamdy qalai ūmytarsyŋ?!».
Ol kısı köşkende öte jūpyny köştı, artynda böten söz ergen joq, halyq qimai qoştasty. Tektınıŋ ūrpaǧy qai salada qyzmet jasasa da, halyqqa adal qyzmet jasady, özı siiaqty eldıŋ tūlǧalarymen zamandas, syilas boldy. Qazaq elınıŋ bırtuar azamaty, 40 jyldan astam memleket basqarǧan KOKP Ortalyq Komitetı saiasi biurosynyŋ ūzaq jyldar bedeldı müşesı bolǧan Dınmūhamed Ahmetūly Qonaevtyŋ özı Ädekeŋdı qatty syilap, onyŋ ūsynysymen, pıkırımen sanasyp otyrǧan. Ädılhan aǧanyŋ eŋbek joly qazırgı basşylarǧa ülgı bolarlyqtai, bıraq osyndai elım dep Aqmola oblysyna bar ǧūmyryn arnap, eŋbek etken tūlǧanyŋ el ordasy – Astanada bır köşege aty būiyrmaǧany köŋılge qaiau tüsıredı.
Serık QOLDANŪLY,
densaulyq saqtau ısınıŋ ardagerı, «Şapaǧat»
medalınıŋ iegerı
