Astana qalasy Energetika basqarmasy Wi-Fi-ǧa tegın qosyluǧa mümkındık beretın jäne ūialy telefondar men planşetterdı quattaityn qūrylǧylardy ornatudy qolǧa aldy. Mūndai oryndar elordanyŋ är audanynda, naqtyraq aitsaq, 18 jerde jūmys ısteitın bolady.
Būl bastama «EKSPO-2017» halyqaralyq mamandandyrylǧan körmesı qarsaŋynda qala tūrǧyndary men qonaqtaryna jaily jaǧdai jasau maqsatynda qolǧa alynyp otyr. Qūrylǧy arnaiy batareialardyŋ kömegımen kün energiiasyn jinaqtap, elektr quatyn öndırıp şyǧarady. Bügınde elordalyqtar ūialy telefondaryn «Astana» konsert zaly alaŋynda ornatylǧan avtonomdy baǧandar men oryndyqtarda quattai alady.
Basqarma ökılı Rustam Qadyrovtyŋ aituynşa, osy aidyŋ soŋyna deiın qondyrǧylar sol jaǧalauda, Prezident parkınde ornatylady. Sūrastyra kele, būl jobanyŋ tek basy ǧana ekendıgın bıldık. «Bolaşaqta jyly aialdamalardy da derbes türde özın quatpen qamtamasyz ete alatyndai jasau josparda bar. Qaladaǧy energiia jelısındegı jüktemenı azaitu üşın fotoelektrlık elementter men jel generatoryn ornata bastaimyz» dedı ol.
Güldana TALǦATQYZY
