Biyl körnektı memleket qairatkerı Temırbek Jürgenovtıŋ tuǧanyna – 125 jyl. Jaqynda Astana qalasynyŋ ortalyqtandyrylǧan kıtaphanalar jüiesı tūǧyrly tūlǧa turaly eŋbekpen tolyqty. Osy mekemege qarasty №5 balalar kıtaphanasynda jürgenovtanuşy ǧalym, filologiia ǧylymdarynyŋ kandidaty Bauyrjan İmanǧalievpen kezdesu ötıp, «Menıŋ qoltaŋbam» jobasy aiasynda onyŋ «Temırbek Jürgenov» kıtaby syiǧa tartyldy.
Kıtapty qalalyq ortalyqtandyrylǧan kıtaphanalar jüiesınıŋ direktory Gülbadan Mädıbaeva qabyldap aldy. Būl eŋbekte Qazaqstan men Täjıkstan, Özbekstan syndy Orta Aziia elderınıŋ oqu-aǧartu, mädeniet pen ädebiet salalarynyŋ örkendeuıne ölşeusız üles qosqan Temırbek Jürgenovtıŋ ädebi-publisistikalyq mūrasy men qairatkerlık bolmysy zerttelıp, teoriialyq tūrǧyda taldanǧan. «Temır narkom» atanǧan tūlǧanyŋ qūndy maqalalary men ocherkterı toptastyrylyp, oqyrmandarǧa ūsynyldy.
500 betten tūratyn kıtap bes tarauǧa bölıngen. Bırınşı jäne ekınşı taraular «Qairatkerdıŋ azamattyq ajary», «Qairatkerdıŋ qalam qajyry» atalady. Ärı qarai Temırbek Jürgenov turaly maqalalar, estelıkter jäne lebızder, tūlǧanyŋ ädebi-saiasi publisistikalyq mūrasy, oqu-aǧartu, mädeniet salasyndaǧy eŋbekterı qamtylǧan.
Juyrda biylǧy tūlǧa mereitoiyna orai Qazaqstan Ūlttyq Bankı «Este qalatyn oqiǧalar men bırtuar adamdar» seriiasynan TEMIRBEK JÚRGENOV.125 JYL kolleksiialyq monetalaryn ainalymǧa şyǧardy. Moneta MN 25 melhior qospasynan daiyndalǧan. Massasy – 15 gramm, diametrı – 33 mm, daiyndau sapasy brilliant uncirculated, nominaly – 100 teŋgelık.
Kolleksiialyq monetalar Qazaqstan Respublikasynyŋ bükıl aumaǧynda özınıŋ belgılengen qūnyna sai tölemnıŋ barlyq türı boiynşa qabyldanuǧa, sondai-aq eldıŋ barlyq bankınde bank şottaryna esepke alynuǧa jäne audaruǧa, ūsaqtauǧa jäne aiyrbastauǧa jatady. Kolleksiialyq monetalar Qazaqstan teŋge saraiynda daiyndaldy.
