Temırbekke taǧzym
![](https://astana-akshamy.kz/wp-content/uploads/2023/04/zhwrgenov-cvet-e1680892891993.jpg)
Qazaq Ūlttyq öner universitetınıŋ 25 jyldyǧy aiasynda memleket jäne qoǧam qairatkerı Temırbek Jürgenovtıŋ 125 jyldyǧyna orai «Temırbek Jürgenov – qazaq önerınıŋ janaşyry» atty döŋgelek üstel otyrysy öttı.
Memleket jäne qoǧam qairatkerı, saiasi quǧyn-sürgın qūrbany Temırbek Qaraūly Jürgenovtıŋ qazaq önerı, ädebietı, mädenietıne jäne bılım salasyna qosqan zor ülesın därıpteu. Memleketke sıŋırgen eŋbegı men küreske toly ömır jolyna şolu jasau arqyly öskeleŋ jas ūrpaqtyŋ sanasyna memleketşıldık ūǧymyn jäne ūlttyq müddenı qorǧaudy, ūltqa qyzmet etudıŋ azaby men abyroiyn sıŋıru maqsatynda ötken būl şaraǧa Memleket jäne qoǧam qairatkerlerı, ǧalymdar, aqyn-jazuşylar, ziialy qauym ökılderı qatysty.
Jiynnyŋ tızgının ūstaǧan Qazaq ūlttyq öner universitetınıŋ aǧa oqytuşysy, aqyn-jazuşy, kinodramaturg Ūlarbek Nūrǧalymūly Temırbek Jürgenovtıŋ ömır derekterıne qysqaşa toqtalǧannan keiın ǧalymdar men T.Jürgenov ömırın zertteuşı jastar tanymal tūlǧanyŋ är qyrynan söz qozǧady.
Döŋgelek üstelde «Önertanu» kafedrasynyŋ studentterı T.Jürgenovtıŋ ūlt önerıne jasaǧan qyzmetı jaiynda baiandama jasasa, «Muzykalyq teatrdyŋ ärtısı» mamandyǧynyŋ 2-kurs studentterı jazuşy-dramaturg R.Otarbaevtyŋ «Narkom – Jürgenov»
pesasyn sahnalady.