Keşe Nūr-Sūltan qalasyndaǧy Dostyq üiınde Qazaqstan halqy Assambleiasynyŋ 25 jyldyǧyna orai «Tıl – dostyqtyŋ altyn köpırı» baiqauy öttı. Saiysqa qatysuşy etnomädeni bırlestık ökılderı barlyq sanitarlyq erejelerdı qataŋ saqtady.
«Elbasynyŋ «qazaq elınıŋ patrioty bolu qazaq elın öz jüregıŋde ūialatu» degen qanatty sözı bar. Memleket bar jerde tıl bolu kerek. Būl baiqau «Ruhani jaŋǧyru» baǧdarlamasyn jüzege asyru maqsatynda jyl saiyn ötkızılıp keledı. Saiystyŋ negızgı maqsaty – memlekettık tıldıŋ märtebesı men maŋyzyn nasihattau qazaq halqynyŋ mädenietın tanytu» dedı Nūr-Sūltan qalasy äkımdıgınıŋ Işkı saiasat basqarmasynyŋ basşysy Talǧat Rahmanberdı.
Baiqau şartyna sai qatysuşylar 3 kezeŋnen tūratyn ainalymda baq synady. Bırınşı kezeŋde qazaq halqynyŋ salt-dästürlerınen körınıs qoisa, ekınşı ainalymda üi tapsyrmasyna daiyndap kelgen «Qazaqstan halqy Assambleiasyndaǧy etnomädeni ortalyqtyŋ maŋyzdylyǧy» nemese «Tıl – dostyqtyŋ köpırı» taqyryptarynda beinerolik körsettı. Üşınşı kezeŋde ūly aqyn Abai Qūnanbaevtyŋ şyǧarmalaryn mänerlep oqydy.
«Bız assambleia ūiymdastyrǧan barlyq şaralarǧa belsene qatysamyz. Mūndai şaralar etnostar arasyndaǧy dostyq pen jylylyqty, tatulyqty nyǧaitady. Osy jolǧy baiqauǧa qatysu barysynda qazaq salt-dästürın tereŋınen zerttedık» dedı «Taŋ» tatar-başqūrt etnomädeni ortalyǧynyŋ müşesı İslambek Omarov.
Tartysqa toly baiqaudyŋ nätijesı boiynşa 1-oryndy «Jaihun» qaraqalpaq etnomädeni bırlestıgı, 2-oryndy «Iýnchi» düngen etnomädeni ortalyǧy, al 3-oryndy Qazaqstan ūiǧyrlary respublikalyq etnomädeni ortalyǧy filialy ielendı. Körermensız ötken keştı Qazaqstan halqy Assambleiasynyŋ äleumettık jelıdegı paraqşalarynan tamaşalauǧa bolady.
Köktem QARQYN
