Keşe Qazaqstan halqy tılderı künıne orai Nūr-Cūltan qalasy äkımdıgınıŋ «Janūia» otbasy institutyn qoldau ortalyǧynda «Qazaq tılı – babamnyŋ tılı!» atty şara öttı.
Memlekettık tıldıŋ ügıt-nasihatyn küşeitıp, onyŋ qoldanys aiasyn keŋeitu maqsatynda ötkızılgen merekelık ıs-şaraǧa qatysqan Parlament Mäjılısınıŋ deputaty, Qazaqstan halqy Assambleiasy Töraǧasynyŋ orynbasary Natalia Dementeva memlekettık tıldıŋ mänı men maŋyzyna toqtaldy. «Elımızdıŋ bolaşaǧy memlekettık tıldıŋ damuymen tıkelei qatysty. Sebebı ol – elımızdegı 130-dan astam ūlttyŋ dılı men tılın toǧystyratyn altyn arqau. Onyŋ üstıne bügın qazaqtyŋ ädebiet zertteuşı ǧalymy, türkıtanuşy, publisist, pedagog, audarmaşy, qazaq tıl bılımı men ädebiettanu ǧylymdarynyŋ negızın saluşy ǧalym, ūlttyq jazudyŋ reformatory, aǧartuşy Ahmet Baitūrsynūlynyŋ tuǧanyna 150 jyl tolyp otyr. Mıne, osyndai saliqaly sätte bır araǧa bas qosyp, memlekettık tıldı damytu turaly talqy ötkızıp jatqanymyzdyŋ özı – merei. Ärine, qazır memlekettık tıldıŋ märtebesın köteru – kezek küttırmeitın mındet. Ötken 10-20 jyldyŋ aldyndaǧymen salystyrǧanda, elımızde memlekettık tılde söileitın özge ūlt azamattary barǧan saiyn köbeiıp keledı. Men özım de ūltym basqa, orys tıldı ortada östım, bıraq joǧary oqu ornynda qazaq tılın üirenıp, 20 jyl ūstazdyq ettım. Demek, niet bolsa, memlekettık tıldı üirenudıŋ eş qiyndyǧy joq. Tıl toǧyssa, dıl de toǧysady» dedı ol.
Şaraǧa Nūr-Sūltan qalasyndaǧy bır bölım tıl janaşyrlary, qazaq tılın nasihattap jürgen aq jaulyqty äjeler, sondai-aq oqu oryndarynyŋ tülekterı qatysty.
