Elordada Qazaqstan halqy tılderınıŋ XVII qalalyq festivalı saltanatty jaǧdaida aşyldy. «Kongress-hollǧa» jinalǧan qauym kümbırlegen küi men äsem änge qūlaq qūryşyn qandyryp, myŋ būralǧan bişılerdıŋ önerıne täntı boldy. Auqymy keŋ şarada Qazaq handyǧynyŋ 550 jyldyǧy, QR Konstitusiiasy men Qazaqstan halqy Assambleiasynyŋ 20 jyldyǧy syndy biylǧy maŋyzdy merekeler aişyqtaldy.
Festivaldı Astana qalasy äkımınıŋ orynbasary Ermek Amanşaev qūttyqtau sözımen aşty. Şaranyŋ män-maŋyzyn atap ötken ol tılder merekesı qazaq tılınıŋ qoldanys aiasyn keŋeituge mol septıgın tigızetının, tek ana tılımızdı ǧana emes, elımızde tatulyqta tūryp jatqan özge ūlttar tılderınıŋ nasihattaluyna da üles qosyp kele jatqanyn aitty.
QR Parlamentı Mäjılısınıŋ deputaty Baqytbek Smaǧūl körermen bolyp otyrǧan jastarǧa jıgerlendıretındei sözder arnap, jyrdan şaşu şaşty.
Sahnaǧa bokstan ekı dürkın älem chempiony, Olimpiada jeŋımpazy Serık Säpiev köterılgende zal dürkırep qol soqty. «Sızderdıŋ qoldaularyŋyzdyŋ arqasynda älemge äigılı sportşy atandym» degendı halyqqa qarata aitqan ataqty sportşy daryndy jasöspırım sportşylarǧa aldaǧy jarystarda aq jol tıledı.
Jalpy, festivaldıŋ aşylu saltanaty eşkımdı jalyqtyrǧan joq. Mūnda älemdegı tılder jönınde tanymdyq äŋgımeler aityldy. Ülgı-önege bolatyn körınıster de molynan qamtyldy. Mäselen, «24 kz» telearnasynyŋ baǧdarlama jürgızuşısı Elvira İvanova ana tılımızde jaŋyltpaştardy aitqanda, eş jaŋylmady. Al. keştıŋ öne boiyn kömkergen san janrdaǧy muzyka körermennıŋ köŋıl hoşyn aşa tüstı.
Belgılı küişıler Anar Mūzdahanova men Tūrar Älıpbaev küimen tartysty. Tanymal änşı, sazger Elena Äbdıhalyqova men jas änşı İbragim Eskendır özderı oryndaǧan änderımen halyqtyŋ ruhyn köterdı. Aigül Elşıbaeva «Sügırdıŋ termesımen» delebenı qozdyrdy. Būlarǧa qosa Bibıgül Janūzaq, Şaharizat Seidahmet syndy änşıler öner körsettı. «Kök türıkter» ansamblı baiaǧy baǧzy zamandarǧa bastady. «MuzArt» tobynyŋ müşesı, halyqtyŋ süiıktı ūly Säken Maiǧazievtıŋ än saluy köpşılıkke syilyq boldy.
Festival älı ekı aptaǧa jalǧasady. Onyŋ aiasynda «Üzdık jarnama», «Memlekettık tıl – memlekettık qyzmette» atty baiqaular, «Tarih pen tıl tamyrlas» atty aqyndar müşäirasy, «Bız memlekettık tılde qyzmet körsetemız» atty aksiia ūiymdastyrylady. Barlyq şaralar qalalyq alaŋda ötetın «Tıl tūtastyǧy – el tūtastyǧy» atty gala-konsertpen qorytyndylanady.
Amanǧali QALJANOV
