Keşe elordada Qazaqstan halqy tılderı merekesı «Tılım – tıregım» atauymen «Alaş qairatkerlerı» eskertkışıne gül şoqtaryn qoiu räsımımen bastaldy.
Nūr-Sūltan qalasynyŋ Tılderdı damytu jäne arhiv ısı basqarmasy tılder merekesın qyrküiek aiy boiy ötkızedı. Sonyŋ aiasynda onnan asa şara ötkızu josparlanǧan.
Tılder merekesı aiasynda elordanyŋ mekemelerı men ūiymdarynda türlı baiqaular ūiymdastyrylady. Sonymen qatar är ūlttardyŋ etno-mädeni ortalyqtary taǧylymdy kezdesuler ūiymdastyrady.
5 qyrküiek – ūlt ūstazy Ahmet Baitūrsynūlynyŋ tuǧan künı. Osyny eskergen el Ükımetı 2017 jyly osy kündı Qazaqstan halqy tılderı künı etıp bekıttı. Biyl qazaq tıl bılımı atasynyŋ 150 jyldyǧy eldık qana emes, halyqaralyq deŋgeide atalyp kele jatqanyna bailanysty būl merekenıŋ mänı artyp otyr. Keşe elordada Qazaqstan halqy tılderı merekesı «Tılım – tıregım» atauymen «Alaş qairatkerlerı» eskertkışıne gül şoqtaryn qoiu räsımımen bastaldy.
Nūr-Sūltan qalasynyŋ Tılderdı damytu jäne arhiv ısı basqarmasy tılder merekesın qyrküiek aiy boiy ötkızedı. Sonyŋ aiasynda onnan asa şara ötkızu josparlanǧan. Atap aitqanda, respublikalyq mobilograftar baiqauy, ūlttyq oiyndar jarysy, qoǧamdyq kölıkterdegı qazaq änderınıŋ şeruı, tabysty käsıpkerlerdıŋ qatysuymen döŋgelek üstel mäjılısı, Dombyra party, qazaqşa karaoke keşı, qazaq tılınde erkın söileitın özge ūlt ökılderınıŋ jastarymen motivasiialyq kezdesu, televiziialyq tok-şou, 9-11 synyp oquşylary arasyndaǧy qalalyq körkemsöz oqu baiqauy, 3 kün boiy balabaqşa tärbielenuşılerın qosa alǧanda büldırşınderdı teatrǧa äkelıp, qazaq ertegılerınıŋ keiıpkerlerı qatysatyn qoiylym, qazaqşa kuiz intellektualdy oiyny, qazaqşa kıtaptardyŋ üş kündık körmesı ötedı. Būǧan qosa, asa körnektı jazuşy, dramaturg, Frans Kafka atyndaǧy Altyn medal men Memlekettık syilyq iegerı, Qazaqstannyŋ eŋbek sıŋırgen qairatkerı Tölen Äbdıktıŋ 80 jas mereitoiyna arnalǧan şyǧarmaşylyq keş ötkızu josparlanǧan. 13-17 qyrküiek aralyǧynda «Ahaŋ jürıp ötken jolmen…» atty ǧylymi-tanymdyq ekspedisiia ötpek. Tılder merekesı qala äkımdıgıne qarasty barlyq mekemelerde ūiymdastyrylady. Qorytyndy keşte jeŋımpazdar marapattalady.
