TMD jaǧdaiyn talqylady
Elbasy Nūrsūltan Nazarbaev Täjıkstannyŋ bas qalasy Duşanbede Täuelsız Memleketter Dostastyǧyna müşe elder basşylary keŋesınıŋ otyrysyna qatysty.
Otyrysta Memleket basşysy TMD aiasyndaǧy qarym-qatynastardy nyǧaityp, damytu üşın atqarylǧan jūmystardyŋ nätijelerıne toqtaldy.
Nūrsūltan Nazarbaev ūiymdy reformalau jäne Dostastyqtyŋ tūjyrymdamalyq qūjattaryn jaŋartu jolynda qolǧa alynyp jatqan şaralardyŋ tiımdılıgın atap öttı.
Qazaqstan Prezidentı memleketaralyq qatynastardy odan ärı tereŋdetuge septıgın tigızetın bırqatar perspektivtı baǧyttarǧa nazar audardy.
Atap aitqanda, Memleket basşysy TMD-nyŋ ekonomikalyq negızın nyǧaitu jäne elder arasyndaǧy sauda kedergılerın joiuǧa baǧyttalǧan şaralar qabyldau qajettıgı turaly aitty.
Sondai-aq, Nūrsūltan Nazarbaev sauda-ekonomikalyq qatynastardy keŋeitu jäne TMD-ǧa müşe barlyq elderdıŋ kölık-tranzit äleuetın paidalanu jönındegı mäselelerge toqtaldy.
Qazaqstan Prezidentı ǧylymi-ǧaryş, sifrlandyru jäne turizm salalaryndaǧy bırlesken jobalardy ıske asyru mäselesıne nazar audardy.
Memleket basşysy Qazaqstanda qūrylǧan «Astana» halyqaralyq qarjy ortalyǧynyŋ erekşelıkterı jönınde äŋgımelep, TMD-ǧa müşe elderdıŋ bärın Qarjy ortalyǧynyŋ jūmysyna belsendı atsalysuǧa şaqyrdy.
TMD elderı basşylary keŋesı otyrysynyŋ qorytyndysy boiynşa bırqatar şeşımder men qūjattar qabyldandy.