Töl aspabymyzdyŋ saltanaty
![](https://astana-akshamy.kz/wp-content/uploads/2023/07/357365479_651227470365035_7129891482839317132_n-780x470.jpg)
Astanadaǧy «Bäiterek» monumentınıŋ janynda Mädeniet jäne sport ministrlıgı Ūlttyq dombyra künıne orai konsert ūiymdastyrdy.
Elorda tūrǧyndary men qonaqtaryn Qazaqstannyŋ eŋbek sıŋırgen qairatkerlerı Seken Tūrysbek, Aitqali Jaiymov, Ramazan Stamǧaziev, Aigül Elşıbaeva, Qairat Käkımov, Erlan Rysqali, Aigül Qosanova, Dınzuhra Tılendieva, Aigül Ülkenbaeva, «Astana Opera» opera jäne balet teatry, Qūrmanǧazy atyndaǧy Qazaq ūlttyq halyq aspaptar orkestrı, N.Tılendiev atyndaǧy «Otyrar sazy» qazaq memlekettık akademiialyq folklorlyq-etnografiialyq ūlttyq aspaptar orkestrı, jaqyn şetelderdıŋ ärtısterı kielı dombyra şanaǧynan küi äuelettı.
– Dombyra – būl jai ǧana aspap emes, qazaq halqynyŋ boitūmary ärı bızdıŋ bai muzykalyq mädenietımızdıŋ qainary. Ūlttyq önerımızdı saqtamai, ruhani mūramyzdy baiytu mümkın emes. Ministrlık osy baǧytta belsendı jūmys jürgızıp jatyr. Atap aitqanda, dombyrada jäne basqa da dästürlı aspaptarda oinau önerı materialdyq emes mädeni mūra elementterınıŋ ūlttyq tızımıne qosyldy. Al «Orteke» quyrşaq biı IýNESKO-nyŋ materialdyq emes mädeni mūra tızımıne endı, – dedı Mädeniet jäne sport ministrı Ashat Oralov.
Onyŋ aituynşa, Memleket basşysynyŋ mektep baǧdarlamasyna dombyra sabaǧyn engızu jönındegı bastamasyna säikes, memlekettık şyǧarmaşylyq tapsyrys aiasynda elımızde 650-ge juyq dombyra üiırmesı jūmys ısteidı. Olarǧa 26 myŋnan astam bala qatysady. Prezidenttıŋ Jarlyǧymen Qūrmanǧazy atyndaǧy Qazaq ūlttyq halyq aspaptary orkestrıne «Ūlttyq» märtebe berıldı. Būl onyŋ qyzmetkerlerınıŋ eŋbekaqysyn köteruge mümkındık berdı. Al Roza Baǧlanova atyndaǧy «Qazaqkonsert» memlekettık konserttık ūiymy janynan ūlttyq dästürlı mädeniet pen önerdı nasihattauǧa baǧyttalǧan «Halyq qazyna» ūlttyq öner ortalyǧy qūryldy.