Oqu-aǧartu ministrı Ǧani Beisembaev pen Astana qalasynyŋ äkımı Jeŋıs Qasymbek elordada bılım beru infraqūrylymyn damytu mäselelerın talqylady. Būl aqparatty qalalyq äkımdıktıŋ baspasöz qyzmetı taratty.
Äsırese sapaly bılım beru qyzmetınıŋ qoljetımdılıgı, qauıpsızdıktı qamtamasyz etu, üş auysymda oqytatyn mektepterdı joiu, qalada jaŋa bılım oşaqtaryn salu, jaqyn qaşyqtyqta balabaqşalar jelısın keŋeitu jäne pedagog kadrlaryn daiarlau mäselelerı qaraldy.
Üş auysymdy mektepter mäselesın şeşu üşın biyldyŋ özınde elordada 11 mekteptıŋ, sonyŋ ışınde Oqu-aǧartu ministrlıgınıŋ qoldauymen 13600 oryndyq 10 mekteptıŋ qūrylysy bastaldy. 2023-2026 jyldar aralyǧynda ekı auysymda oqytatyn barlyǧy 177 myŋ orynǧa arnalǧan 65 mekteptı paidalanuǧa beru josparlanuda.
– Öskeleŋ ūrpaqtyŋ qauıpsız jäne jaily ortada jan-jaqty damuyn qamtamasyz etu – bızdıŋ mındetımız. Ministrlık öz tarapynan negızgı mäselelerdı şeşu barysynda Astana äkımdıgıne qoldau körsetuge daiyn. Bılım beru infraqūrylymyn damytumen qatar joǧary bılıktı kadrlardy qalyptastyruǧa erekşe köŋıl bölıp kelemız, – dedı Ǧani Beisembaev.
Būǧan deiın Oqu-aǧartu ministrı elordadaǧy bırqatar mektepterdı, sonyŋ ışınde üş auysymda oqytatyn bılım oşaqtaryn jeke özı teksergen bolatyn. Ata-analar qauymymen kezdesuler ötkızıp, bılım beru ūiymdarynda qauıpsızdıktı qamtamasyz etu, tegın tamaqtandyru men balalar üşın jaily jaǧdai ūiymdastyru mäselelerın talqylady. Elordada barlyǧy 171 mektep bar, onda 260 myŋnan astam bala oqidy.
