Jeksenbı künı elordada triatlonnan IRONMAN 70.3 ASTANA halyqaralyq turnirı öttı. 50 memleket ökılı qatysqan aituly şarany Qazaqstan Premer-ministrı Asqar Mamin jäne Nūr-Sūltan qalasynyŋ äkımı Altai Kölgınov aşyp, jarysqa jinalǧandarǧa sättılık tıledı.
Turnirge älemnıŋ 50 memleketınen 1400-den astam adam qatysty. Üş kezeŋnen tūrǧan saiysta bırınşı jäne ekınşı kezeŋderde qatysuşylar 2 şaqyrymdy sumen jüzıp, 90 şaqyrymdy velosipedpen jürıp öttı. Soŋǧy kezeŋde 21 şaqyrym qaşyqtyqqa jügırdı. Qala basşysy osy üşınşı kezeŋge qosyldy.
«Mūndai xalyqaralyq jarystardyŋ elordada ötuı sportqa degen közqarasymyzdy jaŋa därejege köteretını sözsız. Turister men investisiianyŋ qalaǧa aǧyluyna yqpalyn tigızedı. Äsırese, jastardyŋ būqaralyq sportqa degen qyzyǧuşylyǧyn arttyrady» dedı A.Kölgınov.
Şynymen, jarysqa är elden arnaiy lisenziiasy bar käsıbi triatlonşylar jinaldy. Olardyŋ arasynda Tim Don, Radka Kahlefeldt, Nils Fromhold, Daniil Sapunov, Aleksei Kalistratov syndy sportşylar boldy. Qatysuşylardyŋ eŋ egdesı Japoniiadan kelgen 78 jasar jelaiaq daiyndyǧyn körsettı.
Turnirdı tiımdı ūiymdastyru maqsatynda qala qonaqtaryna jäne sportşylarǧa järdemdesken, şeteldıktermen jūmys ısteude ülken täjıribege ie erıktıler tartyldy. Sondai-aq ıs-şara barysynda älemdık brendterdıŋ sporttyq EXPO järmeŋkesı ūiymdastyryldy.
