Elordada «EKSPO-2017» halyqaralyq mamandandyrylǧan körmesı kezınde ūiymdastyrylǧan triatlonnan Astana Asian Cup chempionaty märesıne jettı. Osy Aziia Kubogynyŋ şeŋberınde ötken Qazaqstannyŋ aşyq bırınşılıgınde äuesqoi atletter baq synady.
Esıl özenınıŋ boiynda ornalasqan Triatlon parkınde saltanat qūrǧan dumandy dodany ötkızuge QR Mädeniet jäne sport ministrlıgı, Astana qalasy Dene şynyqtyru däne sport basqarmasy, Qazaqstan Triatlon Federasiiasy, Aziia Triatlon Konfederasiiasy (ASTC) jäne Halyqaralyq Triatlon Odaǧy (ITU) mūryndyq boldy.
Jarystyŋ alǧaşqy künınde ITU reitıngındegı üzdık käsıbi sportşylar synǧa tüstı. Olar 750 şaqyrymdy jüzıp, 20 şaqyrymdy velosipedpen baǧyndyryp, 5 şaqyrymdy jügırıp öttı.
Sonymen, äielder arasynda üşsaiystyŋ jalpy mejesın 1:04:33 uaqytta eŋsergen vengriialyq Janet Bregmaier jüzden jüirık şyqty. Al ekınşı oryndy taǧy bır Vengriianyŋ sportşysy Doroteia Petrou 1:07:20 nätijesımen ielendı. Üşınşı orynǧa tūraqtaǧan ukrainalyq Anna Abdulovanyŋ körsetkışı – 1:08:05.
Al erlerdıŋ arasynda üzdık bolǧan avstraliialyq Marsel Valkington jalpy qaşyqtyqty 0:55:43 uaqytta baǧyndyrdy. Ekınşı oryn 0:55:57 körsetkışımen vengriialyq Gergo Şooşqa būiyrdy. Üşınşı oryndy da vengriialyq Lazslo Tarnai aldy. Onyŋ nätijesı – 0:56:39.
Triatlonşylar mūnymen tarqamai, kelesı künı Qazaqstannyŋ aşyq chempionatyna kırısıp kettı. Būl bäsekede käsıbiler men äuesqoilar jeke-jeke synǧa tüstı. Olar suda 1,9 şaqyrym, velosipedpen 90 şaqyrym, jügırıp 21 şaqyrym mejenı eŋserdı.
Jeŋımpazdardy marapattau räsımıne QR Premer-ministrı Baqytjan Saǧyntaev, Triatlon federasiiasynyŋ prezidentı Kärım Mäsımov, Mädeniet jäne sport ministrı Arystanbek Mūhamediūly jäne Astana qalasynyŋ äkımı Äset İsekeşev qatysyp, jyly lebızderın bıldırdı.
Jüldegerlerdıŋ arasynda Olimpiada chempiony Aleksandr Vinokurov ta bar. Ol 40-44 jas sanatynda ekınşı bolyp keldı. Būl topta jeŋımpaz Sergei Iаkovlev bolsa, üzdık üştıktı Mūrat Qasymov tüiındedı. Sondai-aq, 45-47 jas sanatynda «Bi-Group» kompaniiasy direktorlar keŋesınıŋ töraǧasy Aidyn Rahymbaev kümıs jüldeger atandy. Bırınşı oryndy odan 30 minut būryn kelgen Andrei Hanadeev aldy. Üşınşı oryn Däuren Erjıgıtovke būiyrdy.
Basqa sanattaǧy jeŋımpazdardyŋ retı mynadai: 30-34 jasta Aslan Äbdırazymov, Şyŋǧys Alqanov jäne Nariman Tūrlybekov; 25-29 jasta Maksim Leşin, Quanyş Äubäkırov jäne Mädi Süleimenov; 35-39 jasta Grigoriia Savva, Mihail Kuvşinnikov, Nikita Krasilnikov; 18-24 jasta Aleksandr Tribunskii, Azat Mambetäliev, Erdäulet Ümbetov; 25-29 jasta Dinara Säduaqasova, Gülnūr Tılenova jäne Iаna Kagalei.Qazaqstannyŋ aşyq chempionatynda jalpy 155 sportşy baq synady.
Orynbek
ÖTEMŪRAT
