2022 jyldyŋ qaŋtar aiynan bastap 1-synyp oquşylaryna «Sifrlyq sauattylyq» pänı engızıledı. Būǧan deiın oquşylar 3-synyptan bastap «Aqparattyq-kommunikasiialyq tehnologiialar» pänın oqyǧan bolatyn.
– Oqu baǧdarlamasy sūranys pen uaqyt talaptaryna säikes boluy tiıs. Bügıngı taŋda sifrlyq älemnıŋ qarqyndy damyp jatqanyn körıp otyrmyz. Qazır smartfondar men kompiuterlerdı mektepke deiıngı kışı jastaǧy balalar paidalanyp jatady. Sifrlyq sauattylyq – oqu men jazu siiaqty negızgı daǧdylardyŋ bırıne ainalyp keledı. Sondyqtan balalardy sifrlyq sauattylyq jäne aqparattyq qauıpsızdık negızderıne mümkındıgınşe erterek üiretu maŋyzdy. Älbette, jaŋa pändı oqytu barysynda balalardyŋ jas erekşelıkterı de eskerıletın bolady, – dep atap öttı Mektepke deiıngı jäne orta bılım komitetınıŋ töraǧasy Gülmira Kärımova.
Sonymen qatar 4-synypqa arnalǧan «Aqparattyq-kommunikasiialyq tehnologiialar» jäne 5-11-synyptarǧa arnalǧan «İnformatika» pänderı boiynşa oqu baǧdarlamalary qaita qaraldy. Jaŋaşyldyqtar balalardyŋ aqparattyq tehnologiialar salasynda sapaly bılım aluyna baǧyttalǧan. Mektep baǧdarlamasy şeŋberınde eŋ tanymal Python baǧdarlamalau tılı oqytylady. Sondai-aq 5-9-synyp oquşylary 3D-modeldeu men 3D-printing boiynşa bılım alady. 10-11-synyptardaǧy «İnformatika» pänı boiynşa ülgılık oqu baǧdarlamasy IT-salasynyŋ zamanaui damu ürdısterın eskere otyryp äzırlengen. Oqytu baǧdarlamasynda IT-STARTUP, virtualdy jäne tolyqtyrylǧan şynaiylyq, jasandy intellekt, mobildı qosymşalardy äzırleu, BigData jäne taǧy basqa taqyryptar bar. Sondai-aq barlyq synyptyŋ oqu baǧdarlamalaryna internet jelısındegı qauıpsızdık erejelerı, avtorlyq qūqyq turaly taqyryptar engızılgen.
