TÜITKILDI TARQATATYN TŪJYRYMDAMA
El aumaǧyndaǧy kinoteatrlarda körsetıletın qazaqstandyq filmder sany men sapasy jaǧynan şeteldık kinoönımdermen bäsekelese almai tūr.
Otandyq filmderdıŋ basqa elderge taralu körsetkışı de köŋıl könşıtpeidı. Bolaşaqqa nyq qadam basqan memleketımızdı özınıŋ būrynnan qalyptasqan bai salt-dästürlerımızben älemdık keŋıstıkte nasihattauǧa da kinematografiianyŋ qauqary jetpei tūr.
Osyǧan bailanysty Qazaq ǧylymi-zertteu mädeniet instituty Qazaqstan Respublikasyndaǧy kinematografiiany 2050 jylǧa deiın damytudyŋ tūjyrymdamasy jobasyn äzırledı. «Qazaqstan – 2050» Strategiiasy, Otyz ozyq memlekettıŋ qataryna kıru tūjyrymdamasy men QR Mädeni saia-sat tūjyrymdamasynyŋ negızınde daiyndalǧan būl qūjat keşe Astanadaǧy Ūlttyq akademiialyq kıtaphanada köpşılıktıŋ talqysyna salyndy.
QR Mädeniet jäne sport ministrı Arystanbek Mūhamediūly, atalmyş vedomstvonyŋ lauazymdy tūlǧalary, kinotanuşylar, ziialy qauym ökılderı qatysqan būl basqosuda Qazaq ǧylymi-zertteu mädeniet institutynyŋ bas direktory Andrei Hazbulatov jinalǧandardy tūjyrymdamanyŋ jobasymen tanystyrdy.
«Syrt köz – synşy» demekşı, Qazaqstanda düniege kelse de, syrtta jürıp älemge tanylǧan äigılı kinorejisser, ssenarist, prodiuser Timur Bekmambetov kinoönımderge qatysty jaǧdaidy jan-jaqty saralai kelıp, öz pıkırlerın bıldırdı. Täjıribelı mamannyŋ sözıne qūlaq asar bolsaq, Qazaqstannyŋ jäne Reseidıŋ kinoöndırısınde aitarlyqtai aiyrmaşylyq joq.
Onyŋ aituynşa, jyl saiyn Qazaqstan öndırıske jıberetın ūlttyq filmderdıŋ körsetkışı 7,6 paiyzdy ǧana qūraidy. «Būl – öte tömen körsetkış. Reseide ūlttyq kinonyŋ ülesıne 15 paiyz tiedı. Fransiiada 30 paiyz bolsa, Koreiada 50 paiyzǧa jettı. Qytaida tıpten jüz paiyzǧa jeteqabyl. Būl – kino öndırısındegı eŋ basty körsetkışterdıŋ bırı» dedı T.Bekmambetov. Ol Qazaqstanǧa osy jaǧynan älemdegı kinostudiialarmen bäsekege tüsuge qiyn bolatynyn jasyrmady. Kinoöndırıske qūiylatyn investisiialar kölemı de salystyruǧa kelmeitının jetkızdı. «Ärine, qazaqstandyq kinoǧa qarjy azdau qūiylǧandyqtan sapasy da aqsaidy. Al halyq qaşanda önımderdıŋ baǧasy bırdei bolsa, sapalysyn taŋdaidy» dedı rejisser.
Osy tūrǧydan alǧanda ol otandyq kinoteatrlardaǧy bilet baǧasyna nazar audardy. «Qazır qarap otyrsam, Qazaqstan kinoteatrlaryndaǧy bilettıŋ ortaşa baǧasy – 920 teŋge. Menıŋşe, būl tym qymbat. Bilet baǧasy barşa halyqqa qoljetımdı boluy tiıs. Äitpese, bügınderı ortaşa tabysy bar otbasy kinoteatrlarǧa barmaidy, tek bailar ǧana kinotearlardyŋ qyzmetın paidalanady» degen T.Bekmambetov qazırgı kino da soǧan säikes bailardyŋ közqarasyna sai jasalyp jatqanyn aityp, rejisserler de osyǧan beiımdelıp bara jatqanyn jetkızdı.
Timur Bekmambetov kinotearlarda qarapaiym halyqqa arnap arzan abonement engızudı ūsyndy. Onyŋ paiymdauynşa, onda halyq kinoteatrlarǧa da köptep baratyn bolady, körsetıletın kinonyŋ mazmūny da jaqsy jaǧyna özgeredı.
Rejisserdıŋ sözınşe, qazır halyq kinony kinoteatrlarda emes, teledidar nemese kompiuter aldynda köruge beiımdelıp barady. Mūny ol kinozaldardyŋ azdyǧymen tüsındırdı. Keŋes zamanyndaǧy klubtardyŋ ülgısımen alaŋdardy qūrudy ūsynǧan T.Bekmambetov özge ūsynystaryn jazbaşa türde tūjyrymdamany daiyndauşylarǧa jetkızetının aitty.
Amanǧali QALJANOV