Elordada qala äkımınıŋ orynbasary Malika Bektūrovanyŋ töraǧalyǧymen «Astana – adaldyq alaŋy» jobasy aiasynda bılım jüiesınde jemqorlyqtyŋ aldyn alu mäselelerıne arnalǧan keŋes öttı. Mäjılıs deputaty İrina Smirnova, Bılım jäne ǧylym vise-ministrı Bibıgül Asylova, Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ Nūr-Sūltan qalasy boiynşa departament basşysy Jazira Jylqyşieva, qalalyq mäslihat deputattary, ata-analar qatysqan jiynda saladaǧy maŋyzdy mäseleler talqylandy.
– Ötken jyldan berı elordada «Astana – adaldyq alaŋy» jobasy tabysty jüzege asyrylyp, aimaqtarǧa da taralyp jatyr. Būl joba bılımdı ǧana emes, densaulyq saqtau salasyn da qamtyp otyr. Sonyŋ arqasynda qamqorşylyq keŋester, ata-analar komitetterı mektepterdegı tamaqtanu mäselesın, biudjet qarjysynyŋ jūmsaluyn baqylauyna aldy. Qazırgı kezde jappai oqytu qoryna qatysty tüsındıru jūmystaryn dūrys jürgızu özektı bolyp otyr. Är mekteptegı äleumettık qyzmetkerler osy qordan qandai kömek berıletının, kımder būl kömektı ala alatynyn ata-analarǧa tüsındıre bılu kerek. Jalpy tiıstı aqparatty būl kömektı aluǧa qūqyly är otbasyǧa jetkızu qajet, – dedı M.Bektūrova.
Qala basşysynyŋ orynbasary bılım salasyn sifrlandyru baǧytynda atqarylyp otyrǧan şaralarǧa toqtaldy. Byltyrdan bastap elorda mektepterıne qarjy oquşylar sanyna qarai bölınetının aityp, būl jüienıŋ artyqşylyqtaryn atap öttı.
«Būdan būryn mektepterge qarjy bölıngende keibır şyǧyndar esepke alynbaityn. Sondyqtan ata-analar qaltalarynan aqşa şyǧaruǧa mäjbür bolatyn. Jan basyna şaqqanda qarjylandyru jüiesı engızılgen uaqyttan barlyq şyǧyndar esepteletın boldy. Atap aitqanda, tazalyq qūraldaryn, basqa da kerek-jaraqtardy aluǧa qazır qarjy bölınedı. Mūnyŋ bärı bılım mazmūnyna engızıldı. Mektepterdı jan basyna şaqqanda qarjylandyrudyŋ artyqşylyqtaryn anyq körıp otyrmyz. Būryn mektep direktorlary qarjy az bölındı dep şaǧymdanatyn. Endı mūndai joq, aqşa oquşylar sanyna qarai bölınedı. Mekteptıŋ oŋ nemese sol jaǧalauda ornalasuy, eskı nemese jaŋa boluy maŋyzdy emes» dedı M.Bektūrova.
Bılım jäne ǧylym vise-ministrı Bibıgül Asylova mūny rastap, bekıte tüstı. Onyŋ aituynşa, ötken jyly jan basyna şaqqanda qarjylandyru jüiesı älı engızılmei tūrǧanda elordadaǧy №1 mektep-liseiıne 291 mln teŋge bölınetın. Jaŋa jüie engızılgende, būl oqu orny biudjetı 398,5 mln teŋgege östı. Iаǧni, 100 mln teŋgeden artyq qosyldy. Vise-ministrdıŋ sözınşe, endı osy jyldyŋ qyrküiegınen bastap jan basyna şaqqanda qarjylandyru jüiesı Almaty men Şymkent mektepterıne engızıledı.
Keŋeste mektepterde aqşa jinau mäselesı de qozǧaldy. «Oqu jyly bastalǧan uaqyttan mektepterde aqşa jinauǧa qatysty 68 aryz kelıp tüstı. Bız onyŋ bärın tekserdık. Bıreuı ǧana däleldendı» dedı būl turaly M.Bektūrova.
Oqu jylynyŋ aiaqtaluyna on kündei ǧana qaldy. Elordadaǧy «Jas ūlan» respublikalyq qoǧamdyq bırlestıgı «Adal ūrpaq» klubtarymen bırge mektep bıtıru keşterın aqşany şaşpai, oqu oryndary qabyrǧalarynda qarapaiym ǧana ötkızudı ūsyndy. Būl bastamany elordanyŋ jiyrma tört mektebı qoldady. «Astana – adaldyq alaŋy» jobasynyŋ jetekşısı, qalalyq mäslihat deputaty Miras Şekenov mūny dūrys dep esepteidı. Onyŋ aituynşa, Almatynyŋ keibır mektepterı de osyny qūptap otyr.
«Jobalyq keŋsemızge kelıp tüsken aryzdardy saraptai kele, osyndai kezderde ata-analarǧa qarjy jaǧynan edäuır salmaq tüsetının baiqadyq. Otbasynda bırneşe bala balabaqşaǧa baryp, mektepte oqityn bolsa, tıptı, qiyn. Jan basyna şaqqanda qarjylandyru jüiesı engızılgelı mektepterge qarjy jetkılıktı mölşerde bölınıp jatyr. Alaida keibır ata-analar būl jaǧynan habarsyz boluy mümkın. Jazda mektep janyndaǧy lagerler jūmysyn saraptauǧa kırısemız. Ondaǧy bılım beru, uaqytty tiımdı de, paidaly ötkızu, tamaqtanu – osynyŋ bärın baqylauǧa alamyz. Bastysy, oqu oryndary qyzmetı aşyq boluy kerek» dedı M.Şekenov.
Nūr-Sūltan qalasy Ata-analar qoǧamdastyǧynyŋ töraiymy Gülnär Omarova atalmyş ūiym da barlyq ata-analarǧa mektep bıtıru keşterın oqu oryndarynda ötkızu turaly ūsynyspen şyqqanyn jetkızdı. «Keiıngı 10-15 jyldyŋ kölemınde keşterdı qymbat meiramhanalarda ötkızu saltqa ainaldy. Tülekter oqu jyly bastalǧannan mekteptı bıtıru keşınde qandai köilek kiemız, keştı qaida ötkızemız dep oilana bastaidy. Būl dūrys emes. Bızdıŋ maqsatymyz – ata-analar men balalarǧa osyny tüsındıru. Ädemı köilektı mektepte de kiiuge bolady ǧoi» dedı ol.
Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ Nūr-Sūltan qalasy boiynşa departament basşysy Jazira Jylqyşieva joǧary oqu oryndary men kolledjderde jürgızılgen saualnama nätijelerımen tanystyrdy.
«Saualnama bılım salasynda jemqorlyqtyŋ bar ekenın körsettı. Onymen ūstazdar da, studentter de küresuge daiyn. Oqu oryndary arasynda M.Närıkbaev atyndaǧy QazMZU üzdık bolyp şyqty. Mūnda jemqorlyq körsetkışı nölge teŋ ekenı anyqtaldy. Bılım beru mekemelerınde mäjbürlı türde aqşa jinauǧa qatysty aryzdar, äsırese, merekeler jaqyndaǧanda köbeiedı. Olar äleumettık jelıler, messendjerler jäne agenttıgımızdıŋ Qoǧamdyq baqylaudyŋ interaktivtık kartasy arqyly kelıp tüsedı» dedı J.Jylqyşieva.
Departament basşysy da tülekter keşterın mektepterde ötkızuge şaqyrdy. «Mektep direktorlary ata-analarǧa keşterdı meiramhanalarda ötkızu bos şyǧyn ekenın ūǧyndyru üşın oqu oryndary basşylarymen söilespekpız. «Körpege qarai kösılgen» jön. Keibır mektepter bır tülekten 150 myŋ teŋgege deiın aqşa jinap jatyr dep estimız. Būl äjeptäuır qarjy ǧoi. Būǧan şamasy kelmeitın ata-analar da bary anyq. Mektep bıtıru keşterıne deiın älı uaqyt bar. Soǧan deiın oilana tüsse eken» deidı ol.
Sondai-aq keŋeste soŋǧy qoŋyrau men tülekter keşterı kezınde qoǧamdyq tärtıptı saqtau şaralary söz boldy. Onymen Nūr-Sūltan qalasy Polisiia departamentı bastyǧynyŋ orynbasary Rustam Şaribaev tanystyrdy.
