Nūr-Sūltan qalasynda «Nūr-Sūltan – jarqyn bolaşaq mekenı» atty tehnikalyq jäne käsıptık bılım beru ūiymdarynyŋ şeberlık sabaqtary öttı.
Qalalyq Bılım basqarmasy ūiymdastyrǧan būl şaraǧa elordadaǧy 35 oqu ornynyŋ tülekterı qatysty. Olarǧa käsıptık baǧdar beru, jūmysşy jäne tehnikalyq mamandyqtardyŋ märtebesın köteru maqsatynda ötken şara kolledj studentterınıŋ qyzmet körsetu, bılım beru, medisina, aqparattyq tehnologiia, kölık, bailanys, qūrylys jäne kommunaldyq şaruaşylyq mamandyqtary boiynşa qala tūrǧyndary men tülekterge tegın qyzmet körsetu, mamandyq taŋdau boiynşa keŋes beru türınde öttı.
– Būl şarada qalalyq kolledj studentterı üirengen bılımderın paidalana otyryp, öz önerlerın körsetedı. Bes jyldan berı ötkızılıp kele jatqan şara studentterdıŋ jūmysqa ornalasuyna oŋ serpın berıp qana qoimai, öz tülekterımız jasaǧan önımderdıŋ el ışı naryǧyna ötuıne de öte tiımdı, – dedı qalalyq Bılım basqarmasy basşysynyŋ orynbasary Dulat Jäkenūly.
Dizain, alǧaşqy medisinalyq kömek körsetu, robototehnika ısı boiynşa körsetılgen şeberlık sabaqtary şaraǧa qatysuşylar arasynda ülken qyzyǧuşylyq tudyrdy. «Şeberlık sabaqtary bolady degen soŋ, balalar ne üirenıp jatyr eken dep ädeiı keldım. Sebebı menıŋ de ösıp kele jatqan balalarym bar. Bolaşaqta olarǧa qandai mamandyq oqytu kerek degen de otbasymyzdyŋ özektı mäselesı. Jastardyŋ önerlerın körıp quanyp qaldym. Äsırese, robot jasaǧan balalardyŋ qabıletıne täntı boldym» deidı şaraǧa qatysqan qala tūrǧyny Maira Altynbekova.
