Tūraqtylyq pen kelısım – basty qūndylyq
Qazaqstan halqy Assambleiasynyŋ töraǧasy Nūrsūltan Nazarbaev Janseiıt Tüimebaevty qabyldady. Kezdesude Qazaqstan halqy Assambleiasy men öŋırlerdegı dostyq üilerınıŋ qazırgı qyzmetı jaily aqparat berıldı. Elbasy Qazaqstandaǧy äzerbaijan men armian diasporalarynyŋ Tauly Qarabahtaǧy äskeri ıs-äreketterdı toqtatu jönındegı bırlesken ündeuın qoldady. Tūŋǧyş Prezident qaqtyǧystyŋ uşyǧuyna alaŋdauşylyq bıldırıp, Qazaqstan üşın dos memleketter arasynda kelıssözderdı bastaudyŋ maŋyzdylyǧyn atap öttı. Būl öŋırdegı jaǧdaidy tezırek tūraqtandyruǧa septıgın tigızedı.
Qazaqstan halqy Assambleiasynyŋ töraǧasy täuelsızdık alǧan künnen bastap halyqtyŋ bırlıgı, qoǧamdaǧy tūraqtylyq pen kelısım elımızdıŋ basty qūndylyǧy bolǧanyn aitty. Osy oraida biyl 25 jyldyǧyn atap ötıp jatqan QHA-nyŋ airyqşa rölıne toqtaldy.
Öz kezegınde Qazaqstan halqy Assambleiasy Töraǧasynyŋ orynbasary J.Tüimebaev Elbasyna etnosaralyq qatynastar salasyndaǧy memlekettık basqarudy reformalaudyŋ jäne taldau jūmystarynyŋ nätijelerı turaly baiandady. Äleumettık zertteulerdıŋ soŋǧy mälımetterıne säikes, Qazaqstan halqynyŋ 92,4 paiyzy etnosaralyq ahualdy qolaily jäne tūraqty dep baǧalaǧan, al 89,2 paiyzy memlekettıŋ eldegı etnosaralyq kelısımdı saqtau jönındegı ıs-äreketterın qoldap otyr.
Sondai-aq Qauıpsızdık Keŋesınıŋ töraǧasy Nūrsūltan Nazarbaev Işkı ıster ministrı Erlan Tūrǧymbaevpen kezdestı. Kezdesude karantin kezeŋınde elde qūqyqtyq tärtıptı qamtamasyz etu boiynşa qabyldanǧan şaralar, sondai-aq jeke qūramdy epidemiiadan qorǧau jönınde mälımet berıldı. Nūrsūltan Nazarbaevqa ışkı ıster organdarynyŋ halyqpen özara ıs-qimylyn jaqsartu, olardyŋ jūmysynyŋ aşyqtyǧyn qamtamasyz etu boiynşa jürgızılıp jatqan jūmystar turaly aqparat ūsynyldy.