TŪRǦYN ÜI KEZEGINE TŪRUDYŊ TÄRTIBI QANDAI?

Qazırgı uaqytta küiıp tūrǧan mäselenıŋ bırı – baspana. Osy rette atalmyş mäselenı şeşudıŋ türlı joldary bar. Sonyŋ bırı – memlekettık baǧdarlama boiynşa nemese äkımdıkten azamattardyŋ jekelegen toptary üşın baspana alu. Endeşe, tūrǧyn üi aluǧa kezekke tūrudyŋ qysqaşa tärtıbı turaly tanystyryp ötkendı jön kördık.

Astana qalasy Tūrǧyn üi basqarmasynyŋ resmi mälımetıne süiensek, qala qorynan üi aluǧa kezekte tūrǧan azamattardyŋ sany 43 myŋǧa juyqtaǧan. Basqarma özınıŋ ere­jesıne säikes kommunaldyq tūrǧyn üi qorynan belgılengen kezek boiynşa azamattarǧa päter berudı qamtamasyz etedı. Sonymen bırge, öŋırlerdı damytudyŋ 2020 jylǧa deiıngı baǧdarlamasy aiasynda «Qazaqstan Tūr­ǧyn üi qūrylysy jinaq bankı», «Qazaqstan ipotekalyq kompaniiasy» ipotekalyq ūiymy», «Samūryq-Qazyna» jyljymaityn mülık qory» jelısı boiynşa tūrǧyn üi baǧyttary jönınen kommunaldyq tūrǧyn üi qorynan päterge mūqtaj azamattardan qūjattar qabyldaidy.
Elımızdıŋ Tūrǧyn üi zaŋnamasyna säi­kes kommunaldyq tūrǧyn üi qoryna ke­zekke tūruǧa qūqyly azamattardyŋ arnauly sanaty belgılengen. Olarǧa ŪOS arda­gerlerı men qatysuşylary, osy topqa teŋestırılgender, olar – tyl ardagerlerı, Auǧan soǧysynyŋ ardagerlerı, 1-2-top mügedekterı, mügedek balalardy tärbielep otyrǧan otbasylar, Ükımet qaulysynda körsetılgen auru türlerımen auyratyn azamattar, zeinetkerler, jetım balalar men ata-ana qamqorynsyz qalǧan balalar, 29 jasqa tolmaǧan jetım balalar, oralmandar, ekologiialyq apattarda, tötenşe jaǧdailar kezınde üiınen aiyrylǧandar, köpbalaly ata-analar, äskerde nemese memlekettık tapsyrmalar kezınde qaitys bolǧandardyŋ otbasy, tolyq emes otba­sylar jatady.
Astana qalasynda kezekke tūru üşın aldymen kemınde üş jyl tūraqty tūruy talap etıledı. Iаǧni, üş jyldyq tırkeu turaly talap ötınış beruşıge ǧana qoldanylady. Sonymen qatar, qal­ǧan otbasy müşelerınıŋ elordada tūraqty tırkeuı bar boluy qajet. Zaŋǧa säikes, tūrǧyn üige mūqtaj azamat­tar ese­bıne qoiu mekenjai boiynşa «Aza­­­­mat­tarǧa arnalǧan ükımet» memle­­kettık korporasiiasy» arqyly jüzege asady.
Tūrǧyn üi barlyq qajettı qūjattarmen birge ötiniş berilgen kezden bastap tizimde belgilengen kezek retimen beriledi.

Aigül İMANOVA,
«1414» jelısınıŋ operatory:
Tūrǧyn üi kezegıne tūru üşın Halyqqa qyzmet körsetu ortalyǧyna mynadai qūjattardy ūsynu kerek:
– Ötınış;
– Otbasy müşelerınıŋ jeke kuälıgınıŋ, balalardyŋ tuuy turaly kuälıgınıŋ köşırmelerı;
– Azamattyq jaǧdaiy turaly mälımet;
– Mekenjai anyqtamasy (barlyq otbasy müşelerıne);
– Qazaqstan Respublikasynyŋ aumaǧynda jyljymaityn mülıkke qūqyǧy barlyǧy (joqtyǧy) turaly ötınış beruşıde jäne onymen ūdaiy tūratyn otbasy müşelerıne 6-pışındı anyqtama (ielıkten şyǧarylǧan qūqyqtaryn körsetumen);
– Halyqtyŋ äleumettik jaǧynan osal toptaryna jatatyn azamattar eŋ tömengi künköris deŋgeiiniŋ 3,1 eselengen mölşerin rastaityn jiyntyq tabysyn sanau boiynşa äleumettık qorǧau organynan anyqtama ūsynady. (İmanbae­va köşesı, 16 üi, №10 kabinet. Astana qalasy Jūmyspen qamtu jäne äleumettık baǧdarlamalar basqarmasy);
– (memlekettık qyzmetkerler, biud­jettık ūiym qyzmetkerlerı, äskeri qyz­metkerlerge) jūmys ornynan anyqtama jäne otbasy qūramy turaly anyqtama.

Gülmira ŞARHANQYZY