Nūr-Sūltan qalasynda bırqatar qūrylys nysandaryna qatysty özgerıster oryn aldy. Būl rette qalanyŋ injenerlık, kölık infraqūrylymyn jäne qala qūrylysy aspektılerın ūiymdastyru jönındegı jūmys tobynyŋ keŋesınde talqylaular ötıp, tiıstı şeşımder qabyldandy.
Lineinyi saiabaǧynda qūrylys jürgızılmeidı
Elordanyŋ lineinyi saiabaǧynyŋ aumaǧyna tūrǧyn üi keşenınıŋ (TK) qūrylysy jürgızılmeidı. Qūrylys saluşyǧa özge jer telımderı ūsynylady. Būdan basqa, «Caspian Palace» TK jäne «Palazzo degli Affari» BO arasyndaǧy aumaqta Syǧanaq, Ä.Bökeihan, sondai-aq Kerei, Jänıbek handar köşelerı jäne Mäŋgılık el daŋǧyly kvadratynda būryn josparlanǧan köppäterlı tūrǧyn üi keşenderınıŋ ornyna (№77 mektep audany) tūrǧyndarǧa yŋǧaily bolu üşın gülzar salynady. Aita ketu kerek, jer uchaskesı – qūrylys saluşynyŋ jekemenşıgı, egjei-tegjeilı josparlau barysynda köppäterlı tūrǧyn üi keşenı gülzarǧa özgertıldı.
«Qalalyq romans» TK audanyndaǧy jer telımınde jalpy bılım beretın mekteptıŋ qūrylysy
2022 jylǧy 18 aqpanda «Nūr-Sūltan qalasy bölıkterınıŋ injenerlık, kölık infraqūrylymyn jäne qala qūrylysy aspektılerın ūiymdastyru jönındegı» jūmys tobynyŋ keŋesınde mynadai mäsele qaraldy – osyǧan deiın josparlanǧan köppäterlı tūrǧyn üi keşenderı qūrylysynyŋ ornyna (Ä.Tynybaev, A.Hrapatyi jäne A11, A12 köşelerınıŋ kvadratynda) mektep salu üşın jer uchaskesınıŋ egjei-tegjeilı josparlau jobasyn tüzetu mäselesı talqylandy. Jer – qūrylys jürgızuşınıŋ jekemenşıgı.
Būqar jyrau, Ä.Bökeihan köşelerı audanynda mektep jäne balabaqşa qūrylysy
Qoldanystaǧy egjei-tegjeilı josparlau jobasyna säikes, Būqar jyrau jäne Ä.Bökeihan köşelerınıŋ qiylysynda jalpy bılım beretın mektep, sol siiaqty balabaqşa jäne Aqniet köşesınıŋ boiyna jelekjol salu qarastyrylǧan. Jer – qūrylys saluşynyŋ jekemenşıgı, būryn būl orynǧa tūrǧyn üi keşenınıŋ qūrylysy josparlanǧan.
Qabanbai batyr daŋǧylyndaǧy Kerei, Jänıbek handar jäne Orynbor köşelerınıŋ aralyǧynda ornalasqan medisinalyq ortalyqtyŋ qūrylysy
Qala tūrǧyndarymen ötken kezdesulerde aitylǧandai, Qabanbai batyr daŋǧyly boiynda Kerei, Jänıbek handar jäne Orynbor köşelerınıŋ arasyndaǧy jer telımıne medisinalyq ortalyq salynady. Būǧan deiın «Astana-Med» JŞS-ke zertteu jūmystaryn jürgızu üşın «Medisinalyq ortalyq» nysanyn jobalauǧa rūqsat berılgen bolatyn. Bıraq 2021 jyly «Astana-Med» JŞS atalǧan aumaqta qūrylys-montajdau jūmystaryn tiıstı rūqsat qūjattarynsyz bastady. Nūr-Sūltan qalasynyŋ Qalalyq orta sapasy jäne baqylau basqarmasy qūrylys saluşyǧa qatysty şaralar qabyldanyp, qūrylysy toqtatyldy. Qoldanystaǧy egjei-tegjeilı josparlau jobasyna säikes atalǧan uchaskede tek medisinalyq ortalyqty salu ǧana közdelgenın atap ötken jön. Elordanyŋ keibır audandarynyŋ egjei-tegjeilı jospary Memleket basşysynyŋ tapsyrmasy boiynşa qaita qaraldy.
Ülken jäne Kışı Taldyköl
Ülken jäne Kışı Taldyköl boiynşa eko-urbandalu qaǧidatyna säikes, aumaǧyn elordanyŋ saiabaq aimaqtarymen integrasiialau jūmysy jürgızılıp jatqanyn qosymşa habarlaimyz. Osyǧan deiın habarlanǧandai, Nūr-Sūltanda Ülken jäne Kışı Taldyköl aumaǧynda ekopark aşylady. Osyǧan 1 milliard teŋge kölemınde qarjy bölındı. Qazırgı uaqytta Ülken Taldyköl boiynşa jobalau-smetalyq qūjattama äzırlendı. Kışı Taldyköl su nysanyndaǧy su kölemın saqtap qana qoimai, tolyqtyra otyryp, rekreasiialyq aimaq qūru boiynşa jobalau-smetalyq qūjattama äzırlenıp jatyr.
«Nūr-Sūltan – jaily qala» master-jospary boiynşa aulalar men qoǧamdyq keŋıstıkter (saiabaqtar, gülzarlar, jelekjoldar) saluǧa köŋıl bölınedı. 2022 jyly elordada 200-den astam qoǧamdyq keŋıstıktı, aulalar men gülzarlardy abattandyru josparlanyp otyr. Soŋǧy jyldardyŋ özınde 500 qoǧamdyq keŋıstık pen aula salyndy.
