Tūrǧyn üi tūraqty baqylauda
Qala äkımınıŋ orynbasary Sergei Horoşunnyŋ töraǧalyǧymen tūrǧyn üi qūrylysyna ülestık qatysu mäselelerı jönındegı vedomstvoaralyq komissiianyŋ kezektı otyrysy öttı.
Otyrys barysynda «İSK ASİ» JŞS basşysy S. V. Kotliarovtyŋ «Şyǧys», «Jaǧalau-3» jäne «Jaǧalau-4» tūrǧyn üi keşenderınıŋ qūrylysyn aiaqtau boiynşa jürgızılıp jatqan jūmystary turaly ötınışı nazarǧa alyndy.
«Jaǧalau-3» TK 30-seksiia №3 blogynda ärleu jūmystary aiaqtaldy. Endı 15 qyrküiekke deiın bölmearalyq esıkter montajdalyp, eseptegış qūraldary, sanfaians pen jylu toraby ornatylady. Nysan 2016 jyldyŋ 25 qyrküiegınde paidalanuǧa berıledı.
Al seksiianyŋ №5 blogynda qasbettı jäne töbenı jöndeu jūmystary bıtıp, vitrajdarǧa şyny qoiylyp jatyr. Taza ärleu jūmystaryn 15 qazanǧa deiın aiaqtau közdelgen. Nysan 2016 jyldyŋ 30 qazanynda tapsyrylady.
«Stroiklass» JŞS ökılı 1 qaraşaǧa deiın «Altyn bosaǧa» tūrǧyn üi keşenındegı qūrylysty aiaqtau jäne jer uchaskelerınıŋ ielerıne ötemaqy töleu mäselesın şeşu boiynşa qauly aluǧa qūjattar äzırlenıp jatqanyn mälımdedı.
Komissiia müşelerı bügınde «Svetlyi» TK salynatyn jer uchaskelerın räsımdeu jönındegı mäselelerdıŋ şeşılmegenın atap öttı.
«Arystan» TK («NM Astana Qūrylys» JŞS) qatysty jūmys öndırısınıŋ kestesı men qarjylandyru közderı körsetılgen ıs-şaralar josparyn ūsynu tapsyryldy.
«Zere-1» , «Zere-2» TK qūrylysy da talqylandy. «KazGazAstana» JŞS direktory investorlarǧa qūrylysty aiaqtauǧa arnalǧan aqşa qarajatynyŋ tüskenın rastaityn qūjattardy körsetpei, VAK ūsynystaryn oryndamaǧan.
Saluşysy «Nomad Stroi EK» JŞS bolyp tabylatyn «Esıl-2» TK boiynşa «Esıl-2» TK TQK jer uchaskelerın qaita räsımdeu boiynşa VAK ūsynystary oryndalǧan joq. Sonymen qatar, 188-köşedegı jäne «Esıl-1» tūrǧyn üi keşenderı paidalanuǧa berılmegen. Qūrylys jürgızuge daiyndau üşın Säulet jäne qala qūrylysy basqarmasyna qūjattama tolyq kölemde tapsyrylmaǧan.
Komissiia TQK ökılderıne «Esıl-2» TK jäne «Fiuchi Hom» TK satylǧan jäne bos audandar turaly aqparatty ūsynuǧa keŋes berdı. «Esıl-1» TK qatysty 5 qyrküiekke deiın «Astana su arnasy» AQ men «Astana-Teplotranzit» AQ eskertulerın joiu tapsyryldy.
Mūnymen qosa, komissiia müşelerı «Jastar-4» TK saluşysy «Baqyt-11» JŞS direktorynyŋ aǧymdaǧy jyldyŋ 31 tamyzynda 100 mln teŋge mölşerınde nesie zaimynyŋ bırınşı tranşynyŋ kelıp tüskenı turaly ötınışın qabyldady, mūny rastaityn qūjattardy Astana qalasynyŋ IID ūsynu qajet.