Bügınde köptegen adamdardyŋ päter ielerı kooperativıne köŋılı tolmai, synap jatady. Al PİK jūmysy jūrtşylyqtyŋ talap-tılegın tolyqtai qanaǧattandyru üşın ne ısteu kerek? Osy mäselenı şeşu maqsatynda Astana qalasy äkımı Äset İsekeşev e-PİK jobasyn köpşılıkke ūsynǧan bolatyn. Al «Astana Innovations» AQ atalǧan jobany tamyz aiynyŋ soŋyna deiın bırıktıretının mälımdep otyr.
JYL SOŊYNA DEIIN 228 ÜI SÜRILEDI
Qazırgı taŋda Astana qalasynda 2 513 köp päterlı tūrǧyn üi ornalasqan. Atalǧan tūrǧyn üilerge 431 päter ielerı kooperativı qyzmet körsetedı. Tūrǧyn üi inspeksiiasy basqarma basşysynyŋ mındetın atqaruşy Azamat Ämırjanovtyŋ aituynşa, qyzmet körsetudıŋ ortaşa tarifterı 45 teŋge. Sondai-aq, ol eŋ tömengı tarif 25-ten 35-ke deiın, al eŋ joǧarǧysy 45 teŋgenı qūraitynyn mälımdedı.
– 2016 jylmen 2017 jyldyŋ bırınşı jarty jyldyǧynda kondominium obektısınıŋ jalpy mülkıne menşık qūqyǧyn anyqtau üşın bızdıŋ basqarma PİK töraǧalary jäne basqada müddelı memlekettık organdarmen bırlesıp kondominiumdy tırkeu boiynşa maqsatty jūmystar jürgızdı. Bügıngı künı Astana qalasynda kondominiumdy tırkeu 94 paiyzdy qūraidy. Osylaişa Astana qalasy elımızdıŋ basqa öŋırlerınıŋ ışınde bırınşı oryndy alyp otyr. Jalpy basqarmanyŋ negızgı maqsaty tūrǧyn üi qoryn saqtau jäne tiımdı paidalanu jönındegı ūiymdastyru şaralaryn qamtamasyz etu bolyp tabylady. Mäselen, bız 1950 jyldan bastap 2000 jylǧa deiın salynǧan iaǧni tehnikalyq zertteudı qajet etetın köp päterlı tūrǧyn üilerdıŋ tızımın anyqtadyq. Qazırgı taŋda olardyŋ jalpy sany 1 416 bolyp otyr, – deidı ol.
Sondai-aq, ol 2013-2016 jyldar aralyǧynda 537 tūrǧyn üige tehnikalyq zertteuler jürgızılıp, onyŋ 372 apatty üi bolyp tanylǧanyn aitady. Atalǧan apatty üidıŋ 228 osy jyldyŋ soŋyna deiın sürıletın bolady. Sonymen qatar ötken jyly Astana qalasynda TKŞ jaŋǧyrtu şeŋberınde 3 köp qabatty tūrǧyn üidıŋ ortaq mülkı kürdelı jöndeuden ötkızıldı. Al biyl 9 tūrǧyn üige kürdelı jöndeu jūmystary jürgızıledı dep josparlanyp otyr.
JOSPARDAN TYS 71 TEKSERIS JÜRGIZILDI
Azamat Jūmabaiūly PİK salasynda kemşılıkter bar ekenın jasyrmai aityp berdı. Mäselen, bügınde kondominiumdy tırkeudıŋ arqasynda menşık ielerı özderınıŋ basqaru organdaryn qūryp otyr. Osynyŋ arqasynda tiımdı basqaruşy jäne servistık kompaniialardy taŋdap aluǧa mümkındık bar.
– Alaida menşık ielerınıŋ arasynda problemalyq mäseleler saqtalyp otyr, olardyŋ masyldyq piǧyldary bılınude. Iаǧni tūrǧyndar öz päterlerın bezendırıp alady da, al kıreberıster men qasbetter jäne jertöleler köp jaǧdaida aianyşty küide bolady. Qiyn jaǧdailar tuyndaǧan kezde tūrǧyndar memleketke arqa süieidı, olar özderınıŋ qiyndyqtaryn şeşıp beru üşın aryz jazyp şaǧymdanady. Bügınde päter ielerınıŋ 30 paiyzy ortaq mülıktı kütıp ūstau şyǧyndaryna qatyspaidy. Naqtyraq aitsam, olar kürdelı jöndeuge jinaqtauşy esepşotyn aşudan bas tartyp otyr. Üidı tiıstı jaǧdaida kütıp ūstau üşın basqaru organy bekıtuge negızdelgen joǧary tarifterdı qoiady. Bıraq būl jerde päter ielerı kelısımderın bermeidı. Osyǧan bailanysty PİK ortaq mülıktı sapaly kütıp ūstauǧa qandaida bır qarajattary bolmaidy, būl tūrǧyn üi qorynyŋ tehnikalyq küiın naşarlatuǧa äkeledı, – deidı Azamat Jūmabaiūly.
Jannat Dübırova, «Astana Innovations» AQ basqarma töraǧasynyŋ orynbasary:
– Bır sözben aitqanda, aqparattyq jüie PİK-tıŋ tūrǧyndarmen bailanysyn avtomattandyrady jäne jeŋıldetedı. Joba üşın baǧdarlamalyq qamtamasyz etumen ainalysatyn qazaqstandyq kompaniialardyŋ üzdık şeşımderı taŋdap alyndy. Qazır Astananyŋ üş audanynda mobildı qosymşany engızu qarqyndy jürgızılıp jatyr. Bes qyzmet körsetuşı kompaniia arasynda 436 elorda PİK-ı teŋ bölıngen. Qazırgı taŋda joba aiasynda 150 PİK aqparattyq jüiege qosyldy. Mobildı qosymşa ötınış beru, tūrǧynnyŋ PİK-ke ötınışın tırkeu siiaqty ärtürlı funksiialardy atqarady. Endı basqaruşy kompaniiaǧa habarlasudyŋ qajetı joq. Bar bolǧany qai uaqytta qandai qyzmet türın alǧyŋyz keletını turaly habarlama jıberseŋız jetkılıktı.
PİK qyzmetterınıŋ aşyqtyǧyn qamtamasyz etu maqsatynda halyqqa toqsan saiyn esep beru jūmystary jürgızılıp jatyr. Mäselen, osy jyldyŋ bırınşı jarty jyldyǧynda jospardan tys 71 tekserıs jürgızılıp, PİK-ke jäne qyzmet körsetuşı ūiymdarǧa qatysty olardyŋ mındettı oryndaluy üşın 56 nūsqau berılgen. Iаǧni, basqarma barlyq PİK qyzmet körsetuşı ūiymdarǧa qoldanystaǧy zaŋdylyqtardyŋ saqtaluy jönınde eskertuler bergen. Osynyŋ arqasynda bügıngı künı PİK-ter men qyzmet körsetuşı ūiymdardyŋ 70 paiyzǧa juyǧy toqsan saiynǧy esepterın berıp tūrady. Al qalǧandary boiynşa äkımşılık sipattaǧy şaralar qoldanylatyn bolady.
e-PİK PAIDASY BAR MA?
İä, päter ielerı kooperativınıŋ jūmysynda köptegen kemşılıkter bar ekenın eşkım de joqqa şyǧara almaidy. Al endı osy saladaǧy kemşılıkterdı azaitu üşın qandai jūmystar jürgızılgenı dūrys? Astana qalasy äkımı Äset İsekeşev ötken jyldyŋ aiaǧynda elektrondyq PİK jobasyn köpşılıkke ūsynǧan bolatyn. Öitkenı qala basşysynyŋ aituynşa, saladaǧy kürmeuı qiyn mäselelerdı atalǧan joba arqyly şeşuge äbden
bolady.
Sondyqtan da «Astana Innovations» AQ basqarma töraǧasynyŋ orynbasary Jannat Dübırova e-PİK jobasy tamyz aiynyŋ soŋynda ıske asyrylatynyn mälımdedı. Onyŋ aituynşa, jaŋa joba kondiminiumnyŋ jūmys sapasyn arttyryp, onyŋ qyzmetınıŋ aşyq boluyna yqpal etedı. Sondai-aq, kerı bailanys ornatyp, qala boiynşa PİK-tıŋ reitingısın bıluge mümkındık beredı.
Jalpy jobany ūsynuşylar elektrondyq PİK-tıŋ paidasy qyruar ekenın aituda. Mäselen, jaŋa jüie arqyly tūrǧyndar PİK-tıŋ qarjylyq qyzmetınıŋ esebın baqylap, bıryŋǧai esep aiyrysu ortalyǧyna tölem jasau mümkındıgıne ie bolady. Sondai-aq, e-PİK tūrǧyndardy ötkızıletın şaralar turaly aqparattandyryp, saualnama men onlain-tärtıpte päter ielerı dauys beredı. Osy dauys beru nätijesınde elordalyq kondominiumdar reitingısı jeltoqsan aiynda Smart Astana portalynda jariialanady.
Şyny kerek, Astanadaǧy PİK jūmysy özge qalalar siiaqty synnan köz aşpai keledı. Mäselen, biylǧy jyldyŋ bırınşı jarty jyldyǧynyŋ qorytyndysy boiynşa basqarmaǧa PİK-tıŋ jūmysyna qatysty 1600 ötınış-şaǧymdar kelıp tüsken. Tūrǧyndar köbınese PİK tarapynan jürgızıletın köpqabatty üilerınıŋ kıreberısterın sapasyz jöndeu men aulalaryn tazalau jūmystaryna şaǧymdanady. Sondai-aq tūrǧyndar toqsan saiynǧy, tıptı jyldyq esepter ūsynylmaitynyn aityp aryzdanyp jatyr. Osyndai şaǧymdardan köz aşpaityn PİK-tıŋ jūmysy elektrondyq jüiege ötkennen keiın jaqsara ma? Mūny aldaǧy uaqytta bıletın bolamyz.
Serık
Joldasbai
