Astana qalasynyŋ äkımı Jeŋıs Qasymbek Temırjolşylar eldı mekenınıŋ tūrǧyndarymen kezdestı. Kezdesude tūrǧyndar elektr, sumen jabdyqtau, kärız, joldar men trotuarlar salu, qosymşa marşruttardy ıske qosu, internet jäne t. b. mäseleler qozǧaldy.
– Qalanyŋ audandary men eldı mekenderınıŋ tūrǧyndarymen kezdesudı ärı qarai jalǧastyramyn. Ärbır eldı mekennıŋ özıne tän kürdelı ärı jüielı problemalary bar. Elektr energiiasy – Temırjolşylar eldı mekenınıŋ negızgı mäselesınıŋ bırı. Osyǧan deiın «Qazbek» qosalqy stansiiasy boiynşa jūmys bastalǧan bolatyn. Bız jobaǧa engızıletın tüzetudı jazda aiaqtap, kelesı jyly qosalqy elektr stansiiasynyŋ qūrylysyn tolyǧymen ıske qosudy josparlap otyrmyz. Su qysymy boiynşa halyq ösımın eskerer bolsaq, qalada qosymşa su kölemıne qajettılık bar. Jaŋa auyz su stansiiasynyŋ qūrylysy qazır aiaqtalu satysynda tūr, mamyr aiynda ıske qosylady, al 3-SSS tamyz aiyna deiın tolyq quatta jūmys ısteu tärtıbıne köşedı. Osylaişa, su mäselesı tek eldı mekende ǧana emes, bükıl qala boiynşa şeşıledı, – dedı qala äkımı.
Tūrǧyndar emdeu-densaulyq saqtau mäselesı men qoǧamdyq kölık turaly da ötınış aitty.
«Emdeu-densaulyq saqtauǧa qatysty mäselenı pysyqtap jatyrmyz. Būdan bölek, biyl dene şynyqtyru-sauyqtyru keşenınıŋ qūrylysy aiaqtalady. Onyŋ bazasynda sport jäne şyǧarmaşylyq üiırmeler aşylady. Sonymen qatar, jazda kezeŋ-kezeŋımen jaŋa avtobustar jetkızıle bastaidy. Biyl 500-ge tarta avtobus (onyŋ ışınde jeke investorlardy jūmyldyru eskerıledı) jetkızudı josparlap otyrmyz. Būl tūrǧyndar üşın avtobustardyŋ kütu uaqytyn qysqartuǧa, olardyŋ jelıdegı sanyn arttyruǧa, jaŋa marşruttardy ıske qosuǧa mümkındık beredı. Köterılgen mäselelerdı şeşu jūmysy qolǧa alyndy, olardy ıske asyru uaqyty turaly habardar etemız» dedı Jeŋıs Qasymbek.
