Biyl nauryz aiynda elordalyq qoǧamdyq keŋestıŋ ökılettıgı öz märesıne jetpek. Qazaqstan Respublikasynyŋ «Qoǧamdyq keŋester turaly» Zaŋyna säikes üş jyl ışınde ülken şarua atqarǧan ekınşı qūram qyzmetın tämamdaidy. 2019 jyly öz jūmysyn bastaǧan ūiym bügıngı künge deiın bırtalai ıske bastamaşy bolyp, bilık pen būqaranyŋ ortasyna altyn köpır bola bıldı.
Qoǧamdyq keŋes ışınen 3 komissiia qūrylyp, ırı-ūsaqty jūmystarǧa aralasyp, türlı baǧyttaǧy tırşılıkke ün qosyp otyrdy. Keŋes qūrylǧannan bastap 58 otyrys ötken. Ol otyrystarda 234 mäsele köterılgen. Onyŋ 198-ı normativtık qūqyqtyq akt bolsa, 27-ı – kün tärtıbındegı mäseleler. Basqosularda auqymdy aluan mäseleler qaralyp, tiıstı ūsynystar men pıkırler aitylǧan. Bırınşı basşylardyŋ esepterı tyŋdalyp, tūrǧyndar tılegı eskerılmeitın şeşımderdı qaita qarap, tiımdı kelısımder jasaǧan. Qoǧamdyq monitoring jürgızu barysynda köptegen tüitkılder anyqtalyp, keŋes mäjılısınde tūrǧyndardyŋ tityǧyna tietın jaǧdailar talqyǧa salynǧan.
Sonymen qatar üş jyldyŋ bederınde qoǧamdyq keŋes tarapynan köşpelı otyrys ūiymdastyrylǧan. Bırneşe oryndarǧa baryp, käsıptık jäne qosymşa bılım beru mäselelerı äŋgıme bolyp, qalanyŋ bas damu josparyna ūsynystar engızıldı. Aqyly avtotūraqtar men ony engızu mehanizmı de qoǧamdyq keŋestıŋ qyzu talqysynan ötıp, tar köşelerde jäne keibır oryndarda parkomat ornatpau turaly şeşım qabyldanǧan.
Elorda halqyna qajettı ärı yntasyn tudyratyn ärbır mäselege erekşe män berılıp, ūdaiy nazarda ūstaldy. Sonyŋ bırı – qala äkımı A.Kölgınovtıŋ, mäslihat deputattarynyŋ, qoǧam qairatkerlerı men qala tūrǧyndarynyŋ qatysuymen Nūr-Sūltan qalasynyŋ şetkı aumaqtaryndaǧy tūrǧyn alaptarynyŋ damuy men jaǧdaiy söz bolǧan alqaly jiyn. Osy jiynda audan äkımderı atqarylǧan jūmystardyŋ jaiymen tanystyryp, josparlaryn baian ettı. Tūrǧyndar pıkırı tyŋdalyp, özektı sūraqtar ortaǧa salyndy. Äleumettık nysandar jäne infraqūrylym jaǧdaiyna, qūrylys nysandaryn salu barysyna qoǧamdyq baqylau jürgızılıp otyrdy.
Odan bölek, qoǧamdyq keŋes müşelerı qala boiynşa qatty tūrmystyq qaldyqtardy jinau, şyǧaru, qaita öŋdeu, kädege jaratu men kömu tarifın qyzu talqylady. Bırqatary poligonda qoqysty qaita öŋdeu zauytyna baryp, basşylyqpen döŋgelek üstel basynda kezdestı. Sonyŋ nätijesınde qolaily tarif bekıtılgenın atap ötken jön.
Qoǧamdyq kölıkterde qolma-qol aqysyz jolaqy töleu täsılın engızu de öz septıgın tigızdı. Bır ai boiy keŋes müşelerı avtobustarǧa mınıp, būl ädıstıŋ tiımdı tūstaryn tüsındırdı. Onymen qosa qolma-qol aqşa töleu qūnyn tömendetuge qol jetkızdı. Odan bölek, qoǧamdyq keŋes müşelerı tarapynan «Biudjetke qatysu» jobasyn jüzege asyryluyna qoǧamdyq monitoring jasalǧan. Sonyŋ qorytyndysy boiynşa Saryarqa audany äkımınıŋ apparatynda döŋgelek üstel ötıp, belsendı azamattar tūrǧyn üi ielerımen pıkır almasty.
Toqsan auyz sözdıŋ tobyqtai tüiının tarqatqanda, üş jyl ışınde auyz toltyryp aitarlyq jūmystar ısteldı. Tıptı ekı ökpeden qysqan pandemiia kezınde de keŋestıŋ qyzmetı belsendı boldy. Juyrda qoǧamdyq keŋestıŋ töraǧasy Sansyzbai Esılov qorytyndy jiyn ötkızıp, iyq tıresıp, äreket etken ärıptesterıne alǧys bıldırdı. Sonymen qatar basqarmalardyŋ bastamalaryna kelısım berıp, ūsynystardy eskeru kerektıgın eskerttı.
Baijan EMBERDI
