Biyl Astana äkımdıgı elımızdıŋ bas qalasynda turizmdı damytudyŋ jaŋa tūjyrymdamasyn qabyldap, onda oqiǧalyq, ıskerlık jäne medisinalyq turizmge airyqşa nazar audaryp otyr. Osy baǧdarlamanyŋ jūmysy men Astananyŋ EKSPO halyqaralyq körmesıne daiyndyǧy turaly elorda äkımdıgınde ötken brifingte tolyǧyraq aityldy.
Jiynda aldymen söz kezegın alǧan QR İnvestisiialar jäne damu ministrlıgınıŋ Turizm industriia departamentınıŋ direktory Marat İgaliev bas qalada turistık klasterdı damytudyŋ keleşegı mol ekendıgın baiandap öttı.
«2013 jyly Astanada EKSPO-2017 körmesın ötkızudı eskere otyryp, 2017 jylǧa deiın turizm salasyn damytudyŋ şeberlık jospary äzırlendı. Sonymen bırge, bız elordada 2020 jylǧa deiıngı turizmdı damytu tūjyrymdamasyn tanystyrdyq, kelesı jyly qalanyŋ brendı taŋdalady» dedı Marat İgaliev.
Şyndyǧynda, Astana elımızdıŋ bas qalasy atalǧannan berı onyŋ damuymen bırge, turizm salasy da keŋ qanat jaiyp kele jatqanyn baiqauǧa bolady. Elordada 18 jyl ışınde qonaq üiler sany 40 esege artyp, şeteldıkterdıŋ elordaǧa keluı 50 paiyzǧa köbeiıp, al ışkı turizim 43 esege ösken.
– Bügınde Astanany 1000 tūrǧynǧa şaqqanda keletın turister sany boiynşa salystyratyn bolsaq, bız Seul, Stambul siiaqty qalalarmen bır qatarda tūrmyz. Elordada bolaşaqta turizmdı damytuǧa kömektesetın maŋyzdy alǧyşarttar qalyptasty. Bız endı ıskerlık, oqiǧalyq jäne medisinalyq turizmdı damytuǧa basymdyq bermekpız. Qazır qalada keŋ auqymdy oqiǧalardy ötkızu üşın syiymdylyǧy ärtürlı qūrylystar jeterlık. Oqiǧalyq turizmdı damytu üşın qajet negızgı jäne basymdyqty qadamdardyŋ bırı – MICE turizm boiynşa ırı halyqaralyq qauymdastyqtarǧa kıru bolyp sanalady, – dedı Astana qalalyq İnvestisiialar jäne damu basqarmasynyŋ basşysy Älışer Äbdıqadyrov.
Sonymen bırge, bas qalaǧa turisterdıŋ tūraqty aǧymyn qalyptastyru üşın mausymdyq şaralar ötkızu josparlanǧan. Aitalyq, qys mezgılınde Qar jäne mūz festivalı nemese köktemde Kvadrokopterler jarysy boiynşa aşyq chempionat jäne taǧy basqa şaralar jobalanyp otyrǧan körınedı. Sondai-aq, «Astana» halyqaralyq qarjy ortalyǧyn qūru men medisinalyq klasterdı damytu turister aǧynyn arttyruǧa da serpın bermek.
Osy jerde erekşe salmaq salyp aitatyn bır dünie bar. Bügınde Astanada eŋ ozyq medisinalyq qūral-jabdyqtarmen jaraqtalǧan zamanaui medisinalyq ortalyqtardyŋ jelısı qūrylyp, ol joǧarǧy deŋgeide damyp keledı, onyŋ bazasynda şeteldık pasientterdı tartyp, olarǧa qyzmet körsetu jüiesı de qalyptasqan. Qazırgı künı elordanyŋ bırneşe kardiologiialyq klinikasynda 17 myŋnan asa kürdelı jäne bıregei operasiia jasalǧan. Osy baǧytty odan ärı damytuǧa bırqatar şaralar josparlanyp otyr.
Däl bügınde Astanada EKSPO-2017 körmesıne daiyndyq jūmystary qarqyndy jürgızılude. Ol jaiynda «Astana Konvenşn Biuro» JŞS-ınıŋ direktory Saniiar Aitekenov baiandady.
Qazırgı uaqytta bas qalada jaiau jürgınşılerdı baǧdarlau jüielerı – pilon nūsqaǧyştar qūrylyp, qyzyl tüstı turistık avtobustar baǧyty aşylyp, aqparattyq düŋgırşekter ıske qosylǧan. Qyzmet körsetu salasynyŋ sapasyn köteru maqsatynda «Recommended by EXPO-2017» Astana qalasynyŋ ärıptestık baǧdarlamasy jūmys ısteidı, oǧan qonaq üiler, hostelder, qoǧamdyq tamaqtanu nysandary, qyzmet körsetuşı käsıporyndar jäne kölık kompaniialary qatysuda eken.
– Bügınde aǧylşyn tılın oqytuǧa erekşe köŋıl bölıngen. Osy baǧdarlamaǧa qatysqan jüzge juyq adamnyŋ 50 paiyzy kurstan öttı, sondai-aq aǧylşyn tılınen daiyndyqtan ötuge arnalǧan aqparattyq ortalyqtar bar, olar bızdıŋ qyzmetkerlerdı aqysyz negızde oqytuǧa daiyn. Sondai-aq, eger adam taksi şaqyryp, oǧan tüsınıksız tılde söilese, turist call-ortalyqqa habarlassa, operatorlar oǧan sözderdı audaryp beredı, – dedı Saniiar Aitekenov.
Qysqasy, älem köz tıgıp otyrǧan aru Astanamyz turistık destinasiia retınde ǧana emes, tūrǧyndar üşın jaily, taza qala retınde damyp, körkeiıp kele jatqany quantady.
Azamat ESENJOL
