Baiqoŋyr audanyna qarasty «Jastar» yqşam audanynda «aqyldy audan» jobasy aiasynda «Astana Clean Time» kompaniiasynyŋ tūrmystyq qatty qaldyqtardy qabyldaityn alǧaşqy «GreenStation» punktı aşyldy. Mūnda qaǧaz, polietilen, plastik jäne äinek qaldyqtaryn ötkızseŋız, onyŋ kelısıne qarai aqşasy tölenedı.
Jalpy, qalada qaldyqty aqşaǧa aiyrbastaityn mūndai 10 oryn bar eken. Mysaly, «Severnoe siianie», «Arman qala» tūrǧyn üi keşenderınde de tūrmystyq qaldyqtardy qabyldaidy. Bıraq olar basqa kompaniialardyŋ qaramaǧynda körınedı. Al «Jastar» yqşam audanyndaǧy Kravsov köşesınıŋ boiynan aşylyp jatqan punkttıŋ kölemı – 30 şarşy metr. Onyŋ qoimasyna 5 sentnerge deiın qaldyq syiyp ketedı. Mūnda keluşıler üşın üstel men oryndyq ta qarastyrylypty. Qystyŋ kezınde ışı jylytylatynyn aitady mamandar. «Astana Clean Time» kompaniiasynyŋ bas direktory Timur Ysmaǧūlovtyŋ mälımetınşe, būl punktı saluǧa 5,5 mln teŋge jūmsalǧan. Jyl soŋyna deiın osyndai punktıŋ taǧy 22-sın aşpaq.
– Qala äkımdıgı men «Astana Innovations» kompaniiasynyŋ qoldauymen osy jobany jüzege asyryp jatyrmyz. Tūrǧyndar mūnda qaldyqty sūryptap, bölıp äkelıp ötkızedı. Äzırge qaldyqtyŋ 11 türı qabyldanady. Olardyŋ baǧasy şikızatqa bailanysty 3 teŋgeden bastalyp, 100 teŋgege deiın barady. Mysaly, polietilenderdıŋ kelısı 70 teŋge bolsa, plastikterdıŋ kelısı – 40 teŋge. Al jinalǧan qaldyqtardy bız «Aǧaiyndar Kz», «Kagazy Recycling» siiaqty şikızattan önım jasap şyǧaratyn tek qazaqstandyq kompaniialarǧa jöneltemız. Polietilender 500 jylǧa deiın şırımeidı. Sondyqtan onyŋ ekologiiaǧa ziiany köp. Al eger ony qaita öŋdeitın bolsa, üş ret paidaǧa jaratuǧa bolady. Plastikterdı asfalt tösegende de qoldanady, – deidı kompaniia menedjerı Äset Abaev tılşılerge bergen sūhbatynda.
Aita ketu kerek, atalmyş kompaniiada 100-den asa adam jūmyspen qamtylǧan. Sonyŋ bırı – qaldyq qabyldauşy Tūmarşy Batyrbekova. Ol būǧan deiın «Severnoe siianie» tūrǧyn üi keşenındegı punkte jūmys ısteptı. Aituynşa, elordalyqtardyŋ būǧan qyzyǧuşylyqtary zor. Tek tūrǧyndardyŋ basym köpşılıgı mūndai oryndardyŋ bar ekenınen habarsyz körınedı. Bıletınder qatty qaldyqty tūraqty türde ötkızıp tūratynyn aitady. Al mūndaǧy eŋ alǧaşqy klientterdıŋ bırı – 10 jastaǧy Ädılqazy Äliasqar. Ol plastik bötelkeler men karton qaǧaz ötkızıp, azdaǧan tiyn-tebenın alǧanyna mäz. «Qaldyqty qabyldau punktterınıŋ paidasy mol. Bırınşıden, qaita öŋdeuge tiımdı. Ekınşıden, qoqys poligonynda da oryn köbırek bolady. Sondai-aq ata-analary balalarynyŋ kündelıktı jürıs-tūrysyn osydan da şyǧaruǧa bolady. Öitkenı är üiden qaldyq bärıbır şyǧady. Al ony bostan-bosqa tastaǧanşa, aqşaǧa aiyrbastaǧany qandai jaqsy» deidı mamandar.
Atalmyş punkttıŋ aşylu saltanatyna Baiqoŋyr audany äkımınıŋ orynbasary Ruslan Oralov pen Energetika ministrlıgınıŋ jäne «Astana Innovations» AQ kompaniiasynyŋ ökılderı, şikızatty öŋdeu käsıporyndarynyŋ basşylary qatysyp, igılıktı ıske sättılık tıledı.
