Tüsındıru jūmystary jürgızıldı
![](https://astana-akshamy.kz/wp-content/uploads/2021/11/dsc_9983.jpg)
Nūr-Sūltan qalasynyŋ Jastar saiasaty mäselelerı basqarmasy, «Astana jastary» ortalyǧy, Kriminaldyq polisiia basqarmasy jäne Esırtkı qylmysyna qarsy ıs-qimyl basqarmasy internet-alaiaqtyqqa, esırtkıge, ūrlyq pen kölık ūrlauǧa qatysty tüsındıru jūmystaryn jürgızdı. Elordalyq erıktıler qala tūrǧyndaryna aqparattyq paraqşalar taratty.
Nūr-Sūltan qalasy PD Esırtkı qylmysyna qarsy ıs-qimyl basqarmasynyŋ aǧa jedel uäkılı Äliia Qibatqyzy:
– Jastardyŋ denı esırtkınıŋ saldaryn tüsıne bermeidı. Ol üşın jauapkerşılıkke tartylatynynan habary az dese bolady. Oǧan jeŋıl-jelpı qaraidy. Olar esırtkı dep tek ekpe arqyly qoldanatyn geroin dep tüsınedı. Jai ǧana şegemın degen tüsınık – müldem qate. Sol sebeptı jastarǧa bız sintetikalyq esırtkınıŋ şynynda qauıptı ekenın tüsındırıp jürmız, – dedı.
Elımızde jyldan-jylǧa esırtkı qylmysy, internet-alaiaqtyq, ūrlyq köbeiıp keledı. Osyǧan bailanysty tärtıp saqşylary erıktılermen bırıgıp, ıs-şaralardy jiı ūiymdastyruda. Jastarǧa jaman ädetterden boidy aulaq ūstauǧa, salamatty ömır saltyn qalyptastyruǧa ündeitın atalmyş şara adamdar köp şoǧyrlanatyn jerlerde ūiymdastyryldy.
Bauyrjan SEGIZBAEV