Elorda basşysy Tötenşe jaǧdai departamentı qyzmetkerlerımen kezdestı.
Altai Kölgınov audan äkımdıkterı men TJD qyzmetkerlerıne gaz ballondar men peşterdı qoldanu boĭynşa tūrǧyndar arasynda tüsındıru jūmystaryn jürgızudı tapsyrdy. Būdan bölek, kezdesude elordalyq TJD-nyŋ materialdyq-tehnikalyq jabdyqtarynyŋ äleuetı talqylandy.
«Ört qauıpsızdıgı erejelerınıŋ nazardan tys qaluy basqa adamnyŋ densaulyǧy men ömırıne kesırın tigızbeuı kerek. Käsıpkerler de, jeke sektor tūrǧyndary da basqalarǧa qater töndırmeudı oĭlauy kerek. Äsırese mereke künderı kezınde ört qauıpsızdıgıne baĭlanysty şaqyrtular sany köbeĭedı.
Ört qauıpsızdıgı aĭlyǧy aiasynda mamandar 16,5 myŋ üĭdı, sonyŋ ışınde jekemenşık sektorlardy aralady. Nysandardy gaz ballonyn paĭdalanu jönınde jospardan tys tekseru boĭynşa vedomstvoaralyq komissiia qūryldy. Bır aĭ ışınde mamandar 165 nysandy tekserdı. Käsıpkerlık nysandardyŋ ielerıne gaz ballonyn paĭdalanu kezındegı qauıpsızdık instruktajy jürgızıldı.
Audan äkımdıkterı men TJD qyzmetkerlerıne gaz ballondar men peşterdı qoldanu boĭynşa tüsındıru jūmystaryn jürgızudı tapsyrdym. Būdan bölek, elordalyq TJD-nyŋ materialdyq-tehnikalyq jabdyqtarynyŋ äleuetı talqylandy.
2021 jyly qosymşa 50 arnaĭy kölık berıledı. Sonymen qatar taǧy 3 jaŋa depo-nyŋ jobalyq jūmysy jürgızılude, onyŋ ekeuı elordanyŋ tūrǧyn alaptarynda ornalasady. Ärı qaraĭ da adam ömırın qūtqaratyn ört söndıruşılerdıŋ eŋbek şartyn jaqsartu boĭynşa jūmystar jürgızetın bolamyz» dep jazdy Nūr-Sūltan qalasynyŋ äkımı Altai Kölgınov özınıŋ Instagram paraqşasynda.
