Astanadaǧy Säken Seifullin mūrajaiynda arda aqynnyŋ «Tar jol, taiǧaq keşu» romanynyŋ baspadan şyǧuyna 90 jyl toluyna arnalǧan jiyn öttı. Mūrajaidyŋ ǧylymi qyzmetkerlerı 1927 jyly şyqqan tüpnūsqa men keiıngı basylymdaryn (1936, 1960, 1977, 1988, 2009, 2012) salystyra otyryp, tekstologiiasyn jasady. Būl eŋbek mūrajai «Syrsandyq» atymen bırneşe jyl kölemınde şyǧaryp kele jatqan kıtaptyŋ 3-4 tomdaryn qūrady. Sonyŋ üşınşı tomy sol künı halyqtyŋ qolyna tidı.
Jiyndaǧy taǧy bır ülken jaŋalyq – QR Mädeniet qairatkerı, suretşı- müsınşı Mälık Äbdıldin özı farfordan qūiǧan, biıktıgı 1 metrden asatyn sūŋqar Säkennıŋ müsının mūrajaiǧa tartu ettı. Säken Seifullinnıŋ eskertkışterı elımızde barşylyq. Astananyŋ özınde ekeuı bar. Mäsele, solardyŋ sapasynda, Säken tūlǧasyn aşuynda bolyp otyr. Mäselen, Jezqazǧanda būryn tūrǧan Säkennıŋ sūryqsyz eskertkışı «Daridai» aqyn Mūqaş Seiıtqazinov «Mynau Säken, qai Säken?» degen synyna ılıkken soŋ auystyryldy.
Al aqyn atyndaǧy mūrajaidaǧy jaŋa müsın jinalǧan köpşılıktıŋ köŋılınen şyqty. Būl tekstologiialyq eŋbektıŋ alǧysözın jazǧan säkentanuşy ǧalym Küläş Ahmetova, memleket jäne qoǧam qairatkerı Sūltan Orazaly, äigılı änşı, Qazaqstannyŋ halyq ärtısı, Memlekettık syilyqtyŋ laureaty Qairat Baibosynovtyŋ aitqan sözderınen belgılı boldy.
«Tar jol, taiǧaq keşu» romanynyŋ tekstologiiasyn tüzeu üşın mūrajaidyŋ ǧylymi qyzmetkerlerı ekı jyl boiy eŋbektendı. İdeologiianyŋ yqpalymen kezınde bıraz özgerıske ūşyraǧan tuyndy endı qalpyna keltırıldı dep aituǧa bolady. Säken Seifullin mūrajaiynyŋ alǧaşqy direktory Roza Asylbekova amanatqa adaldyq turaly tebırenıp söilep, mädeni oşaq ūjymyna rizaşylyǧyn jetkızdı.
Jiynda Säkennıŋ öleŋderı, oǧan aqyndardyŋ arnaulary oqylyp, änderı şyrqaldy. Änderınıŋ jinaqtaluyna Qazaqstannyŋ eŋbek sıŋırgen ärtısı, önertanuşy Serık Ospanov ülken eŋbek sıŋırdı. Kezınde būl mūrajaidy basqarǧan änşı osydan üş jyl būryn, Säkennıŋ tuǧanyna 120 jyl toluyna orai «Säken Seifullinnıŋ muzykalyq mūrasy» kıtaby men «Syr sandyq» atty Säken änderınıŋ SD üntaspasyn şyǧarǧan edı. Serık Ospanovtyŋ özı biyl mereilı 60 jasqa tolyp otyr. Mūrajai basşylyǧy osyny eskerıp, änşınıŋ iyǧyna şapan jauyp, qūrmet körsettı.
Amanǧali QALJANOV
