Astananyŋ damuy injenerlık infraqūrylym qūrylysymen qatar jüruı tiıs. Būl turaly qala äkımı Jeŋıs Qasymbek qalany aralau barysynda mälımdedı.
– Qalanyŋ damuy injenerlık infraqūrylym qūrylysymen qatar jüruı tiıs. Olar – su qūbyry, elektr, kärız jäne t. b. jelıler. Elordanyŋ ömır süru sapasy olardyŋ üzdıksız jūmysymen tıkelei bailanysty. Qalany aralau barysynda kärız-tazartu qūrylysynyŋ (KTQ), tazartu qūrylystarynyŋ (Jastar şaǧyn audany), auyz su stansiialarynyŋ jäne t. b. jūmysymen tanystym, – dedı Astana äkımı.
Elordanyŋ infraqūrylymymen tanysu barysynda Jeŋıs Qasymbek Ürker eldı mekenınıŋ tūrǧyndarymen kezdeskenın aita kele, onda jürgızılıp jatqan jūmystarǧa toqtaldy.
– Mäselen, Ürker (İlinka) eldı mekenınde nöser kärızınıŋ üşınşı kezegın jobalau jürıp jatyr. Jobanyŋ quattylyǧy täulıgıne şamamen 45 myŋ tekşe metrdı qūraidy. Jobany ıske asyru Ürker eldı mekenınen, Qorǧaljyn tasjolynan, t. b. erıgen qar jäne jaŋbyr suyn būrudy qamtamasyz etedı, – dedı qala basşysy.
Ürker eldı mekenınıŋ tūrǧyndary injenerlık jelılerdı, elektrmen jabdyqtau jelılerın, äleumettık nysandardy, joldar salu, abattandyru, kögaldandyru, aialdamalar jäne t. b. mäselelerdı köterdı.
– Eldı mekendı damytudyŋ jalpy josparyn qūramyz, eŋ aldymen şeşıluı tiıs mındetterdı jäne ekınşı kezeŋde qolǧa alu qajet mäselelerdı anyqtaimyz. Bırınşı kezektegı mındet – Ürker eldı mekenınde kärız jäne elektrmen jabdyqtau jelılerı problemasyn şeşu. Bız mūny bırınşı kezekte oryndaimyz. Sol siiaqty bırqatar äleumettık nysannyŋ qūrylysyn jürgızıp jatyrmyz. Mäselen, merdıgerlerge biyl dene şynyqtyru-sauyqtyru keşenı men ört söndıru deposynyŋ qūrylysyn aiaqtau mındetı tapsyryldy. Sondai-aq osy eldı mekende ekı mektep salamyz. Olardyŋ bıreuı 2024 jyly jäne ekınşısı 2025 jyly paidalanuǧa berıledı, – dedı J.Qasymbek.
Memleket basşysynyŋ tapsyrmasy boiynşa «Jaily mektep» ūlttyq jobasy aiasynda 100 myŋ oquşy ornyna arnalǧan ekı auysymdy 25 mektep salynady. Olardyŋ qūrylysyn biyldan bastau közdelude. Jalpy, qalada kelesı oqu jylyna 13 mektep salu josparlanyp otyr.
– Sol siiaqty kärız-tazartu qūrylysyn (KTQ-2) jobalau, injenerlık jelılerdı jaŋǧyrtu, elektr qosalqy stansiialaryn rekonstruksiialau jürıp jatyr. Būdan bölek, auyz su stansiiasynyŋ (3-SSS), gaz jylu stansiialarynyŋ jäne t. b. qūrylysy jürıp jatyr. Mäselen, auyz su stansiiasynyŋ quaty (3-SSS) täulıgıne 100 myŋ tekşe metrden asady, – dedı elorda äkımı.
