Prezident Qasym-Jomart Toqaev Resei, Belarus jäne Qyrǧyzstan ükımetterınıŋ basşylaryna ıltipat bıldıre otyryp, qazaq jerınde tūŋǧyş ret ötkızılıp jatqan halyqaralyq «İnnoprom. Qazaqstan» önerkäsıp körmesıne qoldau körsetkenı üşın olarǧa rizaşylyq bıldırdı.
– Sızderdıŋ arnaiy kelgenderıŋız körmenıŋ märtebesın arttyrǧany sözsız jäne tyǧyz sauda-ekonomikalyq qatynastarymyzdy taǧy bır ret däleldedı. Bügınde atalǧan ıs-şara tūraqty ıskerlık alaŋǧa ainalyp keledı. Būl – quanyşty jait. Körme aiasynda äleuettı serıktester men investorlar elderımızdıŋ industriialyq sektorynyŋ jetıstıkterımen jaqynyraq tanysady, sondai-aq özara tiımdı jobalardy ıske asyru üşın jaŋa mümkındıkterge jol aşylady, – dedı Qasym-Jomart Toqaev.
Memleket basşysynyŋ aituynşa, önerkäsıp, energetika, maşina jasau, auyl şaruaşylyǧy jäne ekonomikanyŋ basqa da salalarynda bırlesken käsıporyndar men ırı jobalar sany artyp keledı. Būl Odaqqa müşe elderdıŋ syrtqy sauda kölemınıŋ üzdıksız ūlǧaiyp, biylǧy bırınşı jartyjyldyqta 13 paiyzǧa jetkenınen baiqalady.
Qasym-Jomart Toqaev Qazaqstan men Resei arasynda sauda, investisiia jäne önerkäsıp salalary boiynşa qarym-qatynas qarqyny joǧary ekenın aitty.
– Resei kompaniialary Qazaqstanǧa tūraqty türde investisiia salyp otyrǧan bes negızgı eldıŋ qataryna kıredı. Bügınde Reseimen bırlesıp, jalpy somasy 16,5 milliard dollar bolatyn 40 ırı jobany jüzege asyryp jatyrmyz, – dedı Prezident.
Memleket basşysy Belaruspen aradaǧy qarym-qatynas turaly aita kele, auyl şaruaşylyǧy tehnikasyn şyǧaru jäne maşina jasau salalaryndaǧy täjıribenı oŋ baǧalady. Būl baǧyttaǧy jobalardyŋ jalpy qūny – şamamen 180 million dollar. Sonymen qatar Qazaqstan Prezidentı Qyrǧyz Respublikasymen aradaǧy bailanystarymyzdyŋ tūraqty damyp kele jatqanyna, özara sauda-sattyq qarqyny joǧary ekenıne nazar audardy.
– Jetı aida ekı el arasyndaǧy sauda-sattyq kölemı byltyrǧy osy kezeŋmen salystyrǧanda 13 paiyzǧa östı. Qazaq-qyrǧyz şekarasynda İndustriialyq sauda-logistikalyq keşen saludyŋ keleşegı zor, – dedı Qasym-Jomart Toqaev.
Prezident ükımetter basşylaryna Euraziialyq ekonomikalyq odaqqa müşe elder yntymaqtastyqty aitarlyqtai nyǧaitu üşın mol äleuetke ie, sondyqtan ony ılgerıletu maqsatynda barlyq mümkındıktı belsendı paidalanǧan jön dep pıkır bıldırdı.
– Qazaqstan Euraziialyq ekonomikalyq odaq aiasyndaǧy yntymaqtastyqty odan ärı damytuǧa niettı. Būl Odaq öte perspektivtı integrasiialyq ūiym dep sanaimyz. Odaqtyŋ ekonomikalyq äleuetınıŋ mümkındıkterı zor. Qazaqstan EAEO-ǧa müşe memleketterdıŋ bärı osy jerde 2015 jyly qol qoiylǧan şartty qataŋ saqtap, tek ekonomikalyq integrasiia, sauda-sattyqty damytu, özara tauar almasu baǧytynda ǧana elderımızdıŋ naryǧyn aşu mäselelerımen ainalysuǧa tiıs, – dedı Qasym-Jomart Toqaev.
Memleket basşysy sauda-ekonomikalyq kooperasiianyŋ tiımdılıgı kölık-tranzit äleuetın aşumen tıkelei bailanysty, sondyqtan kölık qatynastarynyŋ mümkındıkterın däiektı türde damytu kerek dep sanaidy. Prezident İranǧa, Parsy şyǧanaǧyna jäne Ündıstanǧa şyǧuǧa mümkındık beretın Soltüstık – Oŋtüstık tranzit dälızınıŋ, Qazaqstan – Türıkmenstan – İran temırjolynyŋ, Batys Europa – Batys Qytai baǧytynyŋ mümkındıkterı jönınde aitty. Sonymen qatar Transkaspii halyqaralyq kölık dälızınıŋ äleuetıne basa män berdı.
Būdan bölek, Memleket basşysy Euraziialyq ekonomikalyq odaqqa müşe elderdıŋ önerkäsıp salasyndaǧy yqpaldastyǧyn damytu maŋyzdy ekenıne toqtaldy. Sondai-aq biyl mamyr aiynda ötken Joǧary Euraziialyq ekonomikalyq keŋes otyrysynda önerkäsıp jobalaryn jüzege asyru kezınde kooperasiiaǧa qarjylai kömek körsetu turaly qūjatqa qol qoiylǧanyn eske saldy. Prezidenttıŋ aituynşa, būl mehanizm bırlesken jaŋa öndırıs oryndaryn aşuǧa tyŋ serpın beredı.
Kezdesu soŋynda Qasym-Jomart Toqaev körmenı ūiymdastyruǧa belsendı atsalysqany üşın ükımetter basşylaryna taǧy da alǧys aitty. Sondai-aq olardyŋ jūmysyna tabys, al elderımızdıŋ igılıgıne qyzmet etetın jaŋa bırlesken jobalardyŋ köbeiuıne tılektestık bıldırdı.
