Būdan bylai tūrǧyn üige kezekke tūru üşın qūjattardy da egov.kz portaly arqyly elektrondy türde ESQ kömegımen jüktep ötkızedı.
Osyǧan deiın tūrǧyn üi kezegıne qoiu turaly ötınımdı «Azamattarǧa arnalǧan ükımet» kommersiialyq emes aksionerlık qoǧamy (Halyqqa qyzmet körsetu ortalyqtary) qabyldaityn edı. Egov.kz portaly arqyly kezekke tūru köp jeŋıldetılgen ärı ESQ arqyly kırgen adamnyŋ kırısterı, adrestık tırkeuı, qandai sanatqa jatatyny turaly mälımettıŋ bärı özdıgınen şyǧyp tūrady. Baspana kezegıne ötınım beruşı özı tūrǧan qalada kem degende üş jyl tūraqty tırkeuı boluy şart. Odan bölek, ötınış bergen adamnyŋ jäne onyŋ otbasy müşelerınıŋ kezekke tūrǧan sätte jäne soŋǧy 5 jylda QR boiynşa menşık qūqyǧynda tūrǧyn üi mülkı bolmauy tiıs.
Tūrǧyn üi kezegıne myna sanattaǧy azamattar qūjattaryn ötkıze alady. Būlar: ekınşı düniejüzılık soǧystyŋ mügedekterı men qatysuşylary; jetım balalar, ata-anasynyŋ qamqorlyǧynsyz qalǧan balalar; halyqtyŋ äleumettık osal toptary; köpbalaly otbasylar; memlekettık qyzmetşıler, biudjettık ūiymdardyŋ qyzmetkerlerı, äskeri qyzmetşıler, ǧaryşkerlıkke kandidattar, ǧaryşkerler, arnauly memlekettık organdardyŋ qyzmetkerlerı, memlekettık sailanbaly qyzmet atqaratyn adamdar; jalǧyz tūrǧyn üiı Qazaqstan Respublikasynyŋ zaŋnamasynda belgılengen tärtıppen avariialyq jaǧdaida dep tanylǧan azamattar.
Sonymen bırge halyqtyŋ äleumettık osal toptaryna jatatyn iaǧni, ekınşı düniejüzılık soǧystyŋ mügedekterı men qatysuşylaryna teŋestırılgen adamdar; mügedek balalary bar nemese olardy tärbieleuşı otbasylar; keibır sozylmaly aurulardyŋ auyr türlerımen auyratyn adamdar: jasyna bailanysty zeinetkerler; jetım balalar, ata-anasynyŋ qamqorlyǧynsyz qalǧan balalar; köpbalaly otbasylar; tolyq emes otbasylar; I jäne II toptaǧy mügedekter; qandastar; ekologiialyq zılzalalar, tabiǧi jäne tehnogendık sipattaǧy tötenşe jaǧdailar saldarynan tūrǧyn üiınen aiyrylǧan adamdar; Memlekettık mındetterın atqaru kezınde qaza tapqan (qaitys bolǧan) adamdardyŋ otbasylary.
