Nūrsūltan Nazarbaev Şanhai yntymaqtastyq ūiymyna müşe memleketter basşylary keŋesınıŋ keŋeitılgen qūramdaǧy otyrysyna qatysty.
Jiyn barysynda Memleket basşysy jäne resmi delegasiia müşelerı jaŋa jaǧdaiǧa bailanysty keleşekte atqarylatyn özara ıs-qimyl mäselelerın talqylap, halyqaralyq jäne öŋırlık kün tärtıbındegı özektı mäseleler jönınde pıkır almasty.
– Elderımızdıŋ üş milliardtyq adami äleuetınıŋ jiyntyq küşın Şanhai yntymaqtastyq ūiymynyŋ ekonomikalyq yntymaqtastyǧyn jandandyru üşın paidalanu kerek. Elderımız arasyndaǧy sauda-investisiialyq jobalardy jüzege asyrudy ekı jaqty deŋgeiden köp jaqty deŋgeige köşırudı qamtamasyz etu maŋyzdy bolyp sanalady. Bız Ūiym aiasynda jobalardy qarjylandyrudyŋ bırlesken tetıkterın qalyptastyruǧa jäne tehnologiialyq resurstardy jūmyldyruǧa şaqyramyz, – dedı Nūrsūltan Nazarbaev.
Memleket basşysy bırlesken zamanaui öndırıstı damytu üşın jäne elektrondy saudany keŋeitu üşın ortaq platforma qūru maqsatymen sifrlandyru jäne jaŋa tehnologiialar salasynda täjıribe almasu jönındegı alaŋ qalyptastyru ideiasyn talqylauǧa ūsyndy.
Qazaqstan Prezidentı sapaly ekonomikalyq ösım üşın infraqūrylymdyq «megajobalardy» jüzege asyrudy ūsyndy. Būl jobalar multiplikativtık äserdıŋ quattylyǧyn qamtamasyz etuge jäne Şanhai yntymaqtastyq ūiymyna müşe memleketterdıŋ ǧylymi, qarjylyq jäne adami äleuetın jūmyldyruǧa mümkındık beruge tiıs.
Sonymen qatar, Qazaqstan Prezidentı älemdegı jetekşı qarjy ortalyqtarynyŋ üzdık modelderın negızge alǧan «Astana» halyqaralyq qarjy ortalyǧy öz jūmysyn bastaǧanyn jäne onyŋ Qazaqstannyŋ ekonomikasy men Şanhai yntymaqtastyq ūiymyna qarasty barlyq elderdıŋ qarjy jüiesınıŋ damuyna oŋ äser etetının atap öttı.
Soŋynda Memleket basşysy Qytai Halyq Respublikasynyŋ Töraǧasy Si Szinpinge tiımdı ärı tabysty töraǧalyq etkenı üşın alǧys aityp, Qyrǧyzstannyŋ da osylaişa jemıstı jūmys jürgızuıne tılektestık bıldırdı.
– Ūiymnyŋ tabysty boluy köbıne bızdıŋ üilesımdı äreketterımızge, älemdık jäne öŋırlık kün tärtıbındegı özektı mäselelerdı şeşuge qatysty ūstanymdarymyzdyŋ bırkelkılıgıne bailanysty. Sol arqyly bız qazırgı zamanda tuyndap jatqan kez kelgen syn-tegeurınder men qauıp-qaterlerge der kezınde jauap beruge kepıldık bere alatynymyzǧa senımdımın, – dedı Qazaqstan Prezidentı.
Elbasy QHR-ge saparynyŋ qorytyndysy boiynşa būqaralyq aqparat qūraldary ökılderı üşın brifing ötkızdı.
