Ükımet üiınde Premer-ministr orynbasary Erbolat Dosaevtyŋ töraǧalyǧymen el azamattarynyŋ tabysyn arttyru men tūrmys sapasyn jaqsartu, sondai-aq köpbalaly otbasylardy qoldau şaralaryn küşeitu jönındegı jūmys tobynyŋ kezektı otyrysy öttı.
Jūmys keŋesı aiasynda halyqtyŋ älsız toptaryn, äsırese köpbalaly otbasylardy qoldaudyŋ qosymşa tetıkterın äzırleu jäne äleumettık äl-auqatyn qamtamasyz etu boiynşa qabyldanyp jatqan şaralardyŋ tiımdılıgın arttyru mäselelerı talqylandy. Elımızdıŋ öŋırlerınde köpbalaly otbasylarmen kezdesuler jäne aulalardy aralau barysynda jūrtşylyqtan tüsken naqty ūsynystar qaraldy.
E.Dosaev qazaqstandyqtardyŋ äl-auqatyn arttyru men tūrmys sapasyn jaqsartu Ükımet jūmysynyŋ Memleket basşysy Nūrsūltan Nazarbaev 2018 jylǧy 5 qazandaǧy Joldauynda atap körsetken basty basymdyǧy ekenın mälım ettı. Tiısınşe, tabys kölemınıŋ ösuın qamtamasyz etu jäne tūrmys sapasyn arttyru jönındegı mındetter – ortalyq jäne jergılıktı atqaruşy organdardyŋ basty jūmystarynyŋ bırı. Vise-premer tūrǧyndar jaǧdaiyn jaqsartu boiynşa bırneşe ūsynysyn alǧa tartty.
– Bırınşı, būl äleumettık äl-auqatty qamtamasyz etu boiynşa qabyldanatyn şaralardyŋ tiımdılıgın arttyru, ekınşı, jaǧdaiy tömen toptardy qoldaudyŋ qosymşa tetıkterın äzırleu. Bız ötken aptada jūmys tobynyŋ bırınşı otyrysyn ötkızdık. Būl mäselege tek ortalyq jäne jergılıktı memlekettık organdardy ǧana emes, sonymen qatar azamattyq qoǧam ökılderın de şaqyrdyq, – dedı Erbolat Dosaev otyrys barysynda.
Ol osy aptada köpbalaly otbasylarmen kezdesu barysyndaǧy äkımdıkterden alynǧan ūsynystardy jinau aiaqtalatynyn atap öttı.
– Astanadaǧy qaiǧyly oqiǧa bıraz mäselenıŋ betın aşyp berdı. Al bilık endı ana men bala problemasyna köz jūmyp qaramaidy. Bızdıŋ jūmysymyzdyŋ negızgı baǧyttary retınde biurokratiialyq räsımderdı oŋailatu arqyly atauly äleumettık kömek aludy jeŋıldetu, memlekettıŋ qoldauyna mūqtaj köpbalaly otbasylarǧa järdemaqy töleu tetıgın jetıldıru, jergılıktı atqaruşy organdar jekelei köpbalaly otbasydan şyqqan balalardy bastauyş synypta tegın ystyq tamaqpen, qoǧamdyq kölıkte jol jüru biletımen qamtamasyz etudı jäne t.b. keŋeitu mäselesı qarastyrylady. Sondai-aq asa mūqtaj köpbalaly otbasylardyŋ tūrǧyn üi jaǧdaiyn jaqsartu tūrǧysynan munisipaldy arendalyq tūrǧyn üige qoljetımdılıktı arttyru mümkındıgı jekelei talqylanady, – dedı vise-premer.
Keŋeske «Nūr Otan» partiiasynyŋ ökılderı, Parlament Mäjılısınıŋ deputattary, äleumettık-ekonomikalyq blok, infraqūrylymdyq damu, ışkı ıster organdarynyŋ, sondai-aq selektor rejimınde jergılıktı atqaruşy organdardyŋ basşylary jäne saraptamalyq qauymdastyq pen ÜEŪ ökılderı qatysty.
Eŋbek jäne halyqty äleumettık qorǧau ministrı Mädina Äbılqasymova elımızdıŋ barlyq öŋırınde operativtık ştabtar qūrylǧanyn jetkızdı. Onyŋ aituynşa, halyqpen jäne bastamaşy toptarmen kezdesuler ötkızılıp jatyr, sonymen qatar köpbalaly otbasylardyŋ tūrǧyn üi-tūrmys jaǧdaiyn tekseru maqsatynda aulalardy aralau jūmystary jürgızılu üstınde. Bügınde jergılıktı jerlerde ūsynylatyn türlı äleumettık qyzmetter, densaulyq saqtau qyzmetterı, bılım beru, tūrǧyn üi jaǧdailary, äleumettık qorǧau salalaryna qatysty 1500-den asa ūsynys jinaqtalǧan. Azamattar äkımdıkterge jügınu arqyly qosymşa ūsynystaryn jetkıze alady.
İndustriia jäne infraqūrylymdyq damu ministrı Jeŋıs Qasymbek azamattardyŋ tūrǧyn üi jaǧdailaryn jaqsartu mäselelerı turaly baiandady. Söz arasynda halyqtyŋ äleumettık osal toptaryna tūrǧyn üidıŋ qoljetımdılıgın arttyru boiynşa qosymşa naqty tetıkterı äzırlenıp jatqanyn qozǧap öttı. Bılım jäne ǧylym ministrı Erlan Saǧadiev jaŋa mektepter salu, bastauyş synyptardyŋ oquşylaryn tegın tamaqpen qamtu ülesın keŋeitu, sondai-aq auyldyq eldı mekenderde bılım berudıŋ qoljetımdılıgın arttyru maqsatynda atqarylyp jatqan jūmystar turaly baiandady. Densaulyq saqtau ministrı Eljan Bırtanov medisinalyq qyzmetterdıŋ sapasyn jaqsartu, olardyŋ qoljetımdılıgın arttyru jäne balalardy densaulyq saqtau jüiesımen qamtu boiynşa oryndalyp jatqan jūmystar turaly mälımdedı. Ülesteu tetıgı köpbalaly otbasylardyŋ müşelerıne, halyqtyŋ äleumettık älsız toptaryna qymbat tūratyn proseduralardy, därı-därmek türlerın, stomatologiialyq qyzmetterdı jäne t.b. aluyna mümkındık beretını atalyp öttı. Öz kezegınde Qarjy ministrı Älihan Smaiylov biudjettıŋ äleumettık baǧyty turaly baiandady. Respublikalyq biudjetten 2019 jylǧa äleumettık salaǧa 4,8 trln teŋge bölınbek, būl biudjettıŋ barlyq şyǧyndarynyŋ 45 paiyzyn qūraidy. Sonymen qatar, äleumettık sala şyǧystarynyŋ ülesın odan ärı arttyru jūmystary jalǧaspaq. Jūmys tobynyŋ kelesı otyrysy 21 aqpanda ötkızılmek.
