Astanadaǧy Oquşylar saraiynda alǧaş ret ūiymdastyrylǧan «Ūlaǧatty äulet» qalalyq baiqauynyŋ marapattau räsımı ötıp, onda energetika salasynda 274 jyldyq eŋbek ötılı bar, ırgelı Syzdyqovtar äuletı jeŋımpaz atandy. Izgılıktı şaranyŋ ūiymdastyruşysy – Astana qalasy äkımdıgı.
Soŋǧy jyldary baq-bereke ūiyǧan, übırlı-şübırlı önegelı äuletterdı köpşılıkke keŋırek tanystyru, olardyŋ eleulı eŋbekterın nasihattau sekıldı igılıktı şaralar köptep ūiymdastyryla bastady. Keşegı ızgılıkke toly keş te sondai ädemı dästürdıŋ jalǧasy deuge bolady. Şara şymyldyǧy Astana äkımı Äset İsekeşevtıŋ qūttyqtauymen aşyldy. Ony jūrtşylyqqa elorda äkımdıgınıŋ bas inspektory
Rimma İmanǧazinova oqyp berdı. Onda: «Ūlaǧatty äulet» baiqauy – mereilı otbasylar men üzdık äuletterdı nasihattauǧa arnalǧan joba. Elordada bırneşe buyn ökılderı bır salada jemıstı eŋbek etıp jürgen äuletter barşylyq. Halqymyzda «Otan – otbasynan bastalady» degen jaqsy söz bar. Elımızdıŋ bütındıg ı men täuelsızdıgımızdıŋ keleşegı eŋ aldymen otbasy instituynyŋ berıktıgıne bailanysty. Baiqauǧa qatysqandardyŋ bärı – madaqtauǧa laiyq, köpke ülgı bolǧan äuletter. Sondyqtan barşa otbasyǧa jeke alǧysymdy bıldıremın» delıngen qūttyqtauda.
Odan keiın belgılı qairatker Aigül Soloveva söz alyp, otbasy qūndylyǧy jaiynda salmaqty söz qozǧady.
«Negızgı baiqaudyŋ maqsaty – köp jyldar boiy bır salada eŋbek etıp, jetıstıkke jetıp, önegelı dästürdı jalǧastyrǧan äulet ökılderın elge tanystyru. Öz salasynyŋ bılgırı atanyp, ata jolyn jalǧap kele jatqan qarapaiym äuletter barşylyq. Olardy köpşılık bıle bermeidı. Saiysqa 36 otbasy qūjat tapsyrdy. Ärine, alǧaş ūiymdastyrǧandyqtan, baiqau turaly basqa da äuletter habarsyz boluy mümkın. Bıraq aldaǧy jyly da aituly şara jalǧasyn tabady» dedı qalalyq Işkı saiasat basqarmasynyŋ jauapty mamany Säken Esırkepov. Sonymen, köpşılıktı köp küttırmei marapattau räsımı de bastaldy. Aldymen sahnaǧa temırjol salasynyŋ sarbazdaryna ainalǧan 200 jyldan asa eŋbek ötılı bar Älievter otbasy köterılıp, olar üşınşı orynǧa qol jetkızdı. Ekınşı oryndy – 220 jyldyq eŋbek ötılı bar, ūstazdyq qyzmettıŋ abyroiyn asyryp, ūlaǧatty dästürdı jalǧap kele jatqan Äzenovter otbasy ielendı. Sahnaǧa osy äulettıŋ aqylşysyna ainalǧan, ūzaq jyldar boiy audanda ädıstemelık kabinettıŋ meŋgeruşısı bolǧan, bügınde seksendı alqymdaǧan Bätjan äjemızdıŋ özı şyǧyp, mereilı marapatty aldy. Bırınşı oryndy 109 jyldyq eŋbek ötılımen, ūstazdar äuletınıŋ dinastiiasy atanǧan Arǧynbaevtar otbasy jeŋıp aldy. Al bas jülde joǧaryda aityp ötken, elordadaǧy energetika salasynyŋ damuyna qomaqty üles qosqan Syzdyqovtar äuletıne būiyrdy. Jüldegerlerdıŋ barlyǧyna da baǧaly syilyqtar tabys etıldı.
– Ras aitsam, «Ūlaǧatty äulet» baiqauynda top jaramyz dep oilaǧan joqpyz. Bar bolǧany, saiystyŋ şartyna bailanysty qūjattardy jıberdık. Endı, mıne, bas jülde būiyryp tūr. Ärine, aldymen bızge sanaly tärbie berıp, ızgı joldy nūsqaǧan ata-anamyzǧa alǧysymyz şeksız. Äkem men şeşem de energetika salasynda eŋbek ettı. Olardyŋ jolyn bız jalǧadyq. Ülken aǧam da – energetika salasynyŋ mamany. Menıŋ özım 17 jyldan berı osy baǧytta eŋbek etıp kelemın. 1-därejelı tehnikpın. Endı bızdıŋ jolymyzdy balalarymyz qudy. Būdan artyq bızge qandai baqyt kerek, – dedı Elubai Syzdyqov.
Şyndyǧynda, baqyt degen sözdıŋ özı şartty ūǧym dep aitady. Tört qūbylaŋyz tügel bolyp, ata joldan taimai, otbasyŋyzdyŋ berekesı ūiyp tūrsa, odan artyq qandai
baqyt kerek. Elubai aǧanyŋ sözınde jan bar. Oǧan bız de qosyldyq.
Azamat ESENJOL
