Qalamyzda 16 myŋ üleskerdıŋ 13 myŋynyŋ mäselesı şeşıldı. 2021 jyly Nūr-Sūltanda taǧy 57 tūrǧyn üi qūrylysy aiaqtalady, osylaişa 7 myŋnan astam 500 ülesker otbasynyŋ mäselesı şeşıledı. 2022-2023 jyldary qalǧan köpqabatty üilerdı aiaqtau josparlanuda.
«El basşylyǧynyŋ tapsyrmasy boiynşa qūrylysy ūzaqqa sozylǧan nysandardyŋ qūrylysyn aiaqtau boiynşa auqymdy, jüielı jūmystar jürgızılude. 2019 jyldyŋ jazynda 52 nysan ūzaq qūrylys retınde eseptelgen edı, būl degenımız – 150 köppäterlı tūrǧyn üi keşenı.
2019-2020 jyldary bız 33 köppäterlı tūrǧyn üi keşenın salyp, paidalanuǧa berdık. 5 myŋnan astam ülesker otbasy ūzaq jyldar boiy kütken päterın satyp aldy. Biyl taǧy 57 köppäterlı tūrǧyn üi keşenın aiaqtaimyz.
2022 jyly taǧy 40 köppäterlı tūrǧyn üidı, 2023 jyly 20 tūrǧyn üi saludy josparlap otyrmyz. Osylaişa 2023 jyly elordadaǧy üleskerler mäselesın tolyq şeşudı josparlap otyrmyz» dedı Altai Kölgınov.
Elorda äkımı elordadaǧy keibır üilerdıŋ qūrylysy 15-16 jylǧa sozylǧanyn aitty. Ülestık qūrylystyŋ barlyq nysandarynda ärtürlı körınıs boldy: bır jerde tek şūŋqyr, bır jerde qaŋqasy (karkas) köterılgen, endı bır jerde qūrylysşy bır päterdı 4-5 adamǧa satqan. Degenmen ärbır ūzaq qūrylys boiynşa qadamdyq ıs-şaralar jospary bar. Sonymen qatar elordada tūrǧyn üi keşenın jöndeu, apatty jäne eskı üilerdı būzu jūmystary jürgızılude.
