Keşe Astana qalasy prokuraturasynda zaŋdylyqty, qūqyq tärtıbın jäne qylmyspen kürestı qamtamasyz etu jönındegı üilestıru keŋesınıŋ keŋeitılgen otyrysy ötkızıldı.
Keŋeske Astana qalasy äkımınıŋ bırınşı orynbasary S.Horoşun, Astana qalasynyŋ prokurory
B.Dembaev, Ūlttyq qauıpsızdık komitetı Astana qalasy departamentınıŋ basşysy A.Töleuov, Astana qalasy Işkı ıster departamentınıŋ bastyǧy A.Äubäkırov, Sybailas jemqorlyqqa qarsy ıs-qimyl ūlttyq biurosynyŋ Astana qalasy boiynşa departament bastyǧy Ş.Qabdula, taǧy da basqa lauazymdy tūlǧalar qatysty.
Alqaly jiynda ülestık qūrylys salasynda qordalanǧan mäseleler men azamattardyŋ aqşasyn jymqyru, sondai-aq, osy sanattaǧy qylmystyq ısterdı tergeude kezdesetın qiyndyqtardyŋ sebepterıne jasalǧan taldaudyŋ qorytyndylary talqylandy.
Elımızdıŋ bas qalasy Astanada üleskerler mäselesı töŋıregınde dau-damai azaimai otyrǧany belgılı. Alaqol qūrylysşylardyŋ kesırınen bügıngı taŋda tek qalada ǧana 13500 adam zardap şegıp, 31 adamnyŋ üstınen qylmystyq ıs qozǧalǧan. Olardyŋ toǧyzy sot ükımımen türlı merzımge bas bostandyǧynan aiyryldy.
Alaida üleskerlerdıŋ qarjylaryn aldap alyp, basqa maqsattarǧa paidalanu nemese jeke müddelerıne jūmsau faktılerı azaimai keledı. Osy baǧytta halyqtyŋ arasynda ügıt-tüsınık jūmystary da jürgızılude. Qūqyqtyq kömek beru mäselelerı de ūiymdastyryldy. Aldanǧan üleskerlerge arnalyp ekı järmeŋke ötkızıldı. Üşınşısın aldaǧy qaraşa aiynda ūiymdastyru josparlanyp otyr.
Üleskerler talabyna orai halyqqa qyzmet körsetu oryndarynda män-jaidy tüsındıretın arnaiy ortalyqtar aşyldy. Qazırdıŋ özınde 190 adam osy ortalyqtyŋ kömegıne jügıngen.
Ärine, «Azbuka jilia», «Alǧa, Toqbolat», «Oral dizain stroi servis», «Tamyz invest» siiaqty qūrylys kompaniialarynyŋ basşylary sot ükımımen tiıstı jazalaryn aldy. Alaida ülestık qatysuşylardyŋ tüiındı tüitkılderı tüpkılıktı şeşılmei keledı. Osyǧan bailanysty 2016 jyly qabyldanǧan «Tūrǧyn üi qūrylysyna ülestık qatysu turaly» QR jaŋa zaŋyn halyq arasynda keŋınen tüsındıru jūmystaryn jürgızudı naqty qolǧa alu jaiy aityldy.
Üilestıru keŋesınıŋ otyrysynda qala prokurorynyŋ orynbasary A.Baişolaqov, Astana qalasy prokuraturasy 2-nşı basqarmasynyŋ bastyǧy D.Ermekov, Astana qalasy Işkı ıster departamentı bastyǧynyŋ orynbasary S.Ädılov, taǧy da basqa lauazymdy tūlǧalar baiandama jasap, oi-pıkırlerın ortaǧa saldy.
Keŋes qorytyndysynda oryn alǧan keleŋsızdıkterdı aldaǧy uaqytta boldyrmau maqsatynda elordanyŋ barlyq qylmystyq tergeu organdarynda atalǧan mäselelerdı rettep otyratyn arnauly bölım qūru qajettıgı aitylyp, memlekettık jäne qūqyq qorǧau organdaryna tiıstı tapsyrmalar berıldı.
